رد: فكرة برج المليون رد .............!!!
اهديكم من روائع ابن قضعان
هديه الوداع
فـمـان الـلـه !
فمان الله يا أول ما سكن بين الضلوع العوج
عسى دربك سفير ويا عسى الله ما يخليني
توكل لا توادع رح عسى درب الجفا المسهوج
يصادف درب فرقى عقبها ما تلمحك عيني
سمحت من الهوى ومن القصيد ومن زراق الموج
ورميت أغلى مجاديف الغرام وجيت بيديني
أبغرق في عذابك لارحلت ويصبح المنتوج
قصيد في حياتي سلوتي ... وان مت يرثيني
وإذا هبن بنات الريح للذكرى بدون سروج
أبسرج مهرة النسيان وارحل من عناويني
وبنسى لين أسج وأرسل الونات فوج وفوج
وأبنسى دمع عيني ينتثر وأنساك من حيني
صبور ؟ اي والله اني ما ثنيت العزم قبل أدوج
بريضان الجفا وأضمى لوصلك لين تسقيني
شجاع ؟ إي والله اني ما عرفت الذل قبل أسوج
قدم رجلي على دربك لبيت أهلك يوديني
كريم ؟ اي والله اني ما عرفت الشح قبل تروج
دموعي في عيوني ثم أشح بحسرتي فيني
أحبك ؟ حسبي الله ليت مالك في سماي بروج
ولا لك بالبسيطه كود شي بينك وبيني
دخيلك لا تلتفت رح بفالك وأترك المرجوج
تغانم مابقى لك وإلا انا ماعاد يمديني
فمان الله سق ركبك على درب السنين العوج
ولكن طالبك لا اقفيت عني لا تخليني
|