::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

01-20-2010, 03:09 AM

[poem=font="traditional arabic,6,white,normal,normal" bkcolor="transparent" bkimage="backgrounds/21.gif"
bkimage="" border="none,4," type=0 line=0 align=center use=ex num="0,black""]
يحيا العزيز بعزته شامخ الراس=والا الذليل يموت في عز ذله
ومن عاش شاف في دنيته كل الأجناس=من كل جنس وكل مذهب ومله
ومن عاند الدنيا توريه الأتعاس=يلقى القهر ويموت في وسط غله
راع الوفا ممشاه مع خيرة الناس=وراع الردى راع الردى صاحب له
ومال لردي في مجلس العز مجلاس=اصلا ولا حتى يجيه ويصله
بعض الرجال اغلى من كنوز الألماس=سيف ليا جات اللوازم تسله
له فزعة تضهر ليا صرت محتاس =ودرب الوفا ماكل رجل(ن) يدلة
وبعض العرب من تحت الأقدام ينداس=وبعض العرب من فوق راسك محله
وبعض العرب صداقته دوم نوماس=وبعض العرب صداقته لك مذله
وبعض العرب لا مات تجزع له الناس=وبعض العرب لو مات محدن فطن له
لا باس ياقلب يبي المجد لا باس=مادام فعل الطيب فينا جبله
ماعاد فالدنيا مسرات واوناس=عله تقفي عنك وتجيك عله
ماكل كيف يسبب لراسك عماس=والكيف ماتلقاه في كل دله
اعوذ بالرحمن من كل وسواس=ومن كل حاسد شال فالقلب غله
اخذتلي في شبة العمر مرواس=وجربت فالأصحاب من كل شله
ولقيت من ممشى الرديين الأفلاس=ولا كل رجال يناسبك دله
لي فـ الملا نضره ومبدأ ومقياس=ولا اقول اخذت العرف والعلم كله
لكن لي قدوه عزيزه ونبراس=والجيد اصله للمكارم يتله
والبيت يبقى دام مبني على سااس=وان كان ماله ساس مادام ظله
والأدمي عمره محدد بالأنفاس=رحال في دنياه والقبر حله
[/poem]

راقتـ ليـ كثيــــراً