::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

01-27-2010, 03:06 AM


	المشاركة الأصلية كتبت بواسطة فارس الصحـراء


	الله يعطيك العافيه .. اختي الهنوف .. وبكل صراحه .. انتي جهودك الجباره فالبحث عن تاريخ القبيله وتراثها لايستهان به فلك الشكر والتقدير يالهنوف اما عن القصه .. والله ماني ذاكرها زين لكن فيه سالفه لربعنا من ذوي علان .. مع الشريف حسين باشه .. عندما صادفوه على فرض ينبع وقالوا ياشريف .. حنا ماجيناك مضرين على الجيش من ديار هذيل .. نسحب شماشيلنا مع البداوين نبا طفسه والا لقمةٍ في حلوقنا .. قال ماهي عوايدكم ياعيالي وش تبون ؟ قالوا نبا الموت الكبير والمال الكثير ضحك الشريف .. قال ابشروا بالموت الكبير والمال الكثير .. سجلوهم فالكتيبه اللي تركب البحر .. ولاتوقفون غير فالعقبه .. والله فالاتراك .. يوم حرب الثوره العربيه .. ومعهم جدي ابو الوالد .. صالح بن عويد الله يرحمه ويسكنه الجنه وحياة .. مستور بن رديد الحمسي العلاني المطرفي .. الله يرحمه وحياة .. عابد بن عويد العلاني المطرفي .. اخو صالح الله يرحمه وحياة .. عبدالله بن مسيفر من ذوي جفين العلاني المطرفي الله يرحمه وحياة .. عيد بن مسعود العلاني المطرفي .. عم صالح وعابد .. الملقب ( ابويديه ) كسروها الترك بعد ذبح منهم ناس واجد يقول الله يرحمه .. كنت ارميهم وانا مندرق في محاجيهم بعد احتلاناها والله ياالاخوان انها سبعين درجه اللي ثارت من تحت خدي .. مامنها اللي ماهي في لحم .. وفي مذبح .. وكانو حاطين العين علاها .. ويوم هاش فالرمي .. يقول وانا اضهر يدي اباارتكز علاها .. ويقول والملاعين ماكودوبها .. وهمه يطقونها والياها عاقبتني مثل المسباق مع السماء وهذولي غير اللي شاركوا مع هل الجيش مع منطقة الساحل الغربي وغير اللي شاركو من جهة طرف نجد من جهة الحناكيه .. والله يرحمهم ويرحم من سار مسيرهم فهذيل .. ضربت اروع صنوف البطوله في هذه الثوره .. وإن كانت على غير هداء

قارس هذيل ما شاء الله عليك ... انااا سمعت السالفه هذي من االوالده دوم تتكلم عن جداننا الابطال الله يرحمهم يارب ..... ومنهم من سمع كلمات القصيده هذه من احدى الابطال ... الذين لا يهبون الموت ..ويتمنون الجهاد

سلمت وسلم فكرك .. فان شاء الله نحن خلف لخيرسلف