::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

02-01-2010, 11:37 PM

السلام عليكم و رحمة الله و بركاته

للتواصل مع القلوب الشاعرة

,
,
,

عــذر الغيـــاب

قصيدة لم تكتمل ....

,
,

[poem=font="tahoma,5,black,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
إي و الله إني فيك مغرم و ذايب = لكن تحكمني في حبك ظروفي
إحساس طفل ٍ يحكمه فكر شايب = لين انكسر حلمي على حد خوفي
أغيب في ذكراك مانيب غايب = و ارسمك بـسمــة في ثنايا حروفي
و القاك شرهـة في عيون القرايب = و اجمعك حلم يبدد الياس جوفي
و ابعدك عن فرصة نظر كل خايب = و اخذك و اسلمك سمعي و شوفي
أغليك يا كل الغلا و الحبايب = و ارفع لك أيمان الغلا في كفوفي
و احاول اجمع من حروفي عجايب = و انا ادري إن الشعر ما هوب يوفي
دخيل عبرات العيون السكايب = يا متلفـتـني في تماديك روفي
وش في يــدي ،،، ليه العتب و الطلايب = وشلون ابا اشرح لك دواعي عزوفي
أمسي و انا مقدم على الموت هايب = الحزن بيتي و الروابع ضيوفي
اخذت حبك في خضم النوايب = منفى ... و لو ماني مطول وقوفي
العمر فرصة و المحبة وهايب = و انا على رجواي اسابق حتوفي
اما خذيني حلم و البال طايب = و الا اعذريني و ازهدي في طيوفي

[/poem]

,
,
,