::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

02-02-2010, 07:12 AM

أغـلا طموحاتـي اعالـج جروحـي
وانسى الزمان اللـي بهمـه طوانـي
توي صغيره ..ليت هالوقت يووحـي
بدري عليّ الحزن .. بـدري اعانـي
ان كان عيبي في غموضي وضوحـي
لي عمر ماني عايشـه عمـر ثانـي
ماهوب عيب احلم واحقـق طموحـي
العيـب امـوت ولا تحقـق كيـانـي
مادام فيني نبـض و تحـس روحـي
بحيي شعوري فـي فصاحـة لسانـي
برق القصيد اللي بعينـي يلوووحـي
ان مارويتـه .. يكفـي انـه روانـي
هـذا وانـا بنـت ابـدويٍ سموحـي
وطهري عن دروب الفشيلـه حمانـي
اكتب شعر .. وابني شعر من صروحي
كـذا قبـل لا القـا قصيـدي لقانـي
وان كان عيبي في غموضي وضوحي
لي عمر ماني عايشـه عمـر ثانـي

اهلاً وسهلاً بك اختنا الشاعره امواج . .

ومصافحه اولى توحي بأن خلف هذا النص شاعره متمكنه ومبدعه ..

وكم هائل من الابداع . .

صح السانكـ .. امواج

قصيده فيها من الشموخ والاصاله .. والطموح الشئ الكثير

راقت لي . .

احترامي