::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

02-03-2010, 10:44 PM

دخيل الما وملح الما وحزن الما قبل ماتطير
تهيا للهبوب اللي تصافق في شراييني

دخيل الغصن والظل والهزيل وهفهفات إعصير
دخيلك لاتشح بنجمتي والليل ممسيني

ترفرف يافقير الريش ضيقه والنهار قصير
علامك كل ماليل جناحك جيت ساريني

انا ماني بخير وجيت يمي وانت مانت بخير
وانا ياطير في من الهجاد اللي مكفيني

ترى لو شفت لي ظل ومهابه في عيون الغير
ترى كل الزهاب اللي معي جرحي وسكيني

مساعد الرشيدي

يازين شبة النار و الرمش مشموم
في ليل اسود غير قمراه تضوي..
اتابع النجمات في خيال مركوم
و اسامر الجمرات و الشعر يروي..

من غبت انا و الهم صولات و حروب
و قلبي يجاهد لهفتي و اشتياقي
في غيبتك (برد) الشتا صار لاهوب
و ماتت رياحين الأمل بالسواقي
مشعل العتيبي

إنت : ماشفت حزني يوم شفتك وصفت...................
[ الشتا] كيف سوّى وبـ كلامك بديت ،
إنت ماشفت خوفي في سؤالي نشفت...................
أدري ماكنت تدري بس ، تدري ياليت . .
إنت ماشفت حالي أمس لما { نزفت }...................
قول ، وشفيك ساكت ؟ لايكون إستحيت !
شفت كل الليالي ، وإنت لاتقول شفت ؟...................
فيه كم ليله عدّت . . عنّهَا ، مادريت
تمطر ، وغيم [ عابر ] يوم شفته عرفت:...................
إنه [ بردك ] تجرأ ~ يلمسك . .وإنتهييييت !
أدري خايف ولكن بسألك : ليش خفت ؟...................
وإنت تدري حبيبك ينتهي لا ( بكيت ) .
لا مشيت إحذر الطيحه ولامن وقفت ،...................
لا تطوفك سنين ، وتنسى إنّك مشيت !
وإن لقيت الصعايب إذكر إنّي حلفت :...................
[ في يمينك إخذني سيف للّي بغيت ] . .
أدري بردان وتدري واعدك ما خلفت...................
إن عيني " لحافك " لا بردت و ~ غفيت !
أدري الجو بارد ومن هالأجواء خفت...................
وتدري إني مسافر مارجعت { الكويت } .
إسمع اللي بقوله وشوف شنهو إكتشفت:...................
في الشتا ، إقرا هذا البيت مو أي بيت . .
كل ماهب ريح " البرد " وشفتك رجفت ،...................
أشعِل إحساس شعري [ نار ] وأسأل : دفيت ؟
أحمد الصانع

برد يـــلف الأمكنة والزوايا = برق ورعد واحساس بالصمت والليل
وملا مح تدفي برود النوايا = وقلوب ضخّت بالعروق التفاصيل
واحلام صارت للنفوس المرايا = واحزان نامت في ثياب التعاليل
ليل الشتا برد وهروب وحكايا = خوف ورجا رنة حجول .. ومواويل
ليل الشتا خيل وحروب وسبايا = نار وشعر ورجال .. صفّة معاميل
ليل الشتا ميعاد رد الهدايا = لا صار ما يصبر على العطر منديل
لاجا الشتا فزّت جميع الخفايا = يا وينكم يا جا معين المحاصيل
ليل الشتا نصرٍ لكل الصبايا= واكبر هزيمة شامله للرجاجيل

أخمد الناصر الأحمد