" احساس و شعور "
يالله ياللي.. تدحر الليل.. بالنور
يامخرج الاحياء.. من بطن الاموات
يامنزل.. الاعراف والفتح والطور
ياواحد(ن) من فوق سبع السماوات
اعوذ بك.. من قسوة ..الظلم والجور
وصكات بقعا.. في زمان التفاهات
الوقت فيه الآدمي.. دوم ماسور
مابين.. بَكيّ وضحكـ وحزن ومسرات
وانا.. من الايام ..ياهيه مسرور
أخذت منها.. حلوَها والمرارات
باالأمس حاير..بين منهي ومامور
أبغى أجمعني.. وَحصلني أشتات
كم قلت يالاحزان.. تكفين بالدور؟
وكم جاوبت.. لـ حزان..هيهات هيهات
واليوم ..لله الفضل.. صرت دكتور
اعالج اوجاعي.. بنفسي لياجات
واصبحت شاعر.. كله احساس وشعور
يطرب له المتذوق.. فكل الاوقات
البال صافي.. والهواجيس طابور
اتأمل الواقع.. وَكسّر حسابات
تدري متى فـ الوقت ..انا اعيش مقهور؟؟
لاشلت هم الشي.. وعدا.. سهالات
وتدري متى فـ الحب.. انا اصير مكسور؟؟
لاشفت خلي.. يشتكي البعد.. بسكات
وتدري متى للذات.. انا اصير منكور؟؟
لاصرت بين الناس.. منكور.. باالذات
| التوقيع |
|
ياصاحبي فـ الوقت / مدري عدوّي!!
........ ياللي " التحذلق " صار اشهر صفاتكـ
اقدر اسوي/ مثل ماانتهـ /تسوّي
........"وعيب ن" على مثلي/ يسوي" سواتكـ"
|
|