::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

02-15-2010, 03:26 AM

هذي قصيدة مهداه ، لسمية، طبعا بنت أحد الاصدقاء ، ماتسمع بابوها، وهي صغيرة طبعا. التمست حبها لا ابيها،ولن أنكر احساسي على لسانها،

فطلعت مع ابيات متواضعه:

[poem=font=",6,darkblue,normal,normal" bkcolor="gray" bkimage="" border="none,4," type=1 line=0 align=center use=ex num="0,black""]
تعيش الهموم ويذبل الحرف دون حكاي=وأداري الظلام الموحش إللي حواليه
يابوي الجروح أهون من احساسك بشكواي= وعيني ضناها الدمع من حر مافيه
تعـشمت واقـع وأنتهـيته قـبل مبــداي= ولقيتك منار لظلمتي ماطفى ضيّـه
تكفكف دموعي حب ويموت صوت بكاي= وكفيك أمان وراحة يديك حنيــه
أحبك ولك فيني مداين تعيش اقصاي= سقاها غلاك وعاشت بصدر حورية
أنا عشتك البارح بلد كلبوه اشياي= أجيله ملاك ويتنفض حب بالجيّــه
سهرتك غلا واستبشرت فيك كل خطاي= وناديتني فارد ذراعيك (ياسمية)
وتبادرت قيثارة لقا ،، وابتهالة ناي= على الصوت جيتك والرجا في محانيه
يابوي أنتهزني البرد ويدي في مخباي= دخيلك على صدرك وله تاخذ يديه
أنا صاغني حبك بحر من خجل ميناي= وبنيتك مواني شوق وأحلام وردية
ملاني عطاك وبت راضي فظل رضاي= ونسجت الفرح فيني ملامح طفوليه
صباحك رسم بسمة بريئة على ممساي= وكساني دفا حتى تهادت خطاويه
تشعثر غلاك بداخلي وابتدا مسراي= سريتك محبة (راضية منك مرضيـة)
يابوي الله اكبر والغلا يستبيح احشاي= بديتك سما قبل أنتهي فيك عفويه
يابوي أنت زاد اللحظة الموحشة والماي= أحبك ويكفيني الغلا دامني حيـة[/poem]