[ماطر السويدي]

جارالله السواط




المعاني ماشيـه منكـم ومنّـا =تعجب اللي ساكنٍ في البـلادي
عندهم سعلى ليا جينـاه أكلنّـا =ساكن بالمدعى ما أدري جيادي




عبدالله المسعودي




قاله اللي هاض هاجوسـه وغنّـا =دوبه ايحق البياض امن السـوادي
الجمـل معقـول و أظنـه مثـنّـا =وراكبينه في الردوف وفي الشدادي




جارالله السواط:




ما نشدنا اليوم بعد أنـا نزلنّـا =من عطى العنبر نبا نعطيه كادي
كم حفرنا من قبور وكـم دفنّـا =و الفقّير جعل داره بالجـرادي




عبدالله المسعودي:




حيلتك ماحصنت يابا الحصنّـا =دافنه رجلينها و الرأس بـادي
لا لحقتـوا لاربـاع ولا مثنّـا =لاترصون الصحون مع الزبادي




جارالله السواط:




السياسـة عنـدنـا لا تمتحـنّـا =قالوا أهل الفكر جاء للبّـل حـادي
والشقاء يتعبـك يالقلـب المعنّـا =والمريض يزور مستشفى السدادي




عبدالله المسعودي:




لو تسافر مع ذياب ومـع مهنّـا =بندق العشرى تثور بلا زنـادي
خابرك ياراعي السيـف المحنّـا =لو تسوي من قرون الظبي رادي




جارالله السواط:




كم نسافر من وطنك إلـى وطنّـا =ما أحدّ قلي وين رايح وين غادي
كم زرقنا بالسيوف وكـم طعنّـا =محتزي في طرقتى بدرة وزادي




عبدالله المسعودي:




انقل الاسفار عنّا يـا جملنّـا =يكرهك قلبّي واحبّك من فؤادي
من يبا يقرب لهيل وحمس بنّا =ماتشب النار من نفخ الرمادي




جارالله السواط:




الجمل صادق وله ناب وسنّـا =مير جنب عن طريقه ياحمادي
خطك إليا زاد عن تسعين طنّا =يفجع البلهان ماهز العبـادي