رد: فكرة برج المليون رد .............!!!
اصعب سؤال اللي جوابه للاسف مثله سؤال
ماهو تفلسف الا موقف صار واسمع ثاني بيت
البارحه يومه سال وش ذكرك ذيك الليال
كان الجواب بكل بساطه من متى اصلا نسيت
ادري بان جمع الصعوبه والبساطه شي محال
لكنها صارت كذا واللي اهم اني دريت
ان الحياه في بعد احبابك اذا جف الوصال
تعيشها لو تقتنع انك خلاص اصبحت ميت
| التوقيع |
|
وقفتني بالشارع الضيق وممنوع الوقوف
مسار واحد والمصيبه لايمين ولا شمال
تقول طوفها معي واقول عيت لاتطوف
اجيبها منا تجي منا ولا فيها مجال
والحب ماينفع معه فزعه ولا واو معطوف
الحب لو زالت جبال الارض ذكره لايزال
يرقى على حبل الوصال ويختمه نبض الحروف
شوي من نسج الغلا وشوي من نسج الخيال
وش عاد لو غنيت طاروقك وصفيت الصفوف
صفٍ يبا ياقف معي وصفٍ ليا من رحت شال
والله لاتبطي ماوصلت ادنى مواصيل .... |
|