اكسجين الشعر

[poem=font=",6,black,normal,normal" bkcolor="white" bkimage="http://www.hothle.com/vb/mwaextraedit2/backgrounds/11.gif" border="none,4,black" type=1 line=0 align=center use=ex num="0,black""]
يافيصـل الليلـه تـعـلا مكـانـي=الضلع شامـخ والمبانـي حصينـه
هذيـلاً الشامـي واخـوه اليمانـي= من مدهـم بالشعـر تكـرم يمينـه
لاجيت فـي ميقـاف ثالـث وثانـي= امـرر الجزلـه بصحـن الهجيـنـه
لكـن مـادام العمـيـري دعـانـي= غصباً عليّ ماجيب غيـر السمينـه
أبي علـى طيـب المبـادي ربانـي= وقال كلمـه ... ورث مـن والدينـه
امدح كريم النفـس قاصـي ودانـي= وابعد عن اللـي يحملـون الضغينـه
من فعل ابو هاني ومن فعـل هانـي= عمر الكرم طايـل وتسعـد سنينـه
واللي تـرى عينـي يقولـه لسانـي= والشعر في ذا الليـل ياطيـب عينـه
في حفل قومـاً يفهمـون المعانـي= يفسـرون الواضـحـه والدفيـنـه
لو للقصيـد اكسيـد كربـون ثانـي= ترى هذيل اهـل الشعـر اكسجينـه
نتنفـس مـن ابداعهـم والبيـانـي= ياسامعيـنـه قــدروا كاتبـيـنـه
وهذيـل منهـم كاتبيـن القـرانـي= لجـل انهـم بصدورهـم حافظينـه
عبدالله بـن مسعـود ماهـو بفانـي= في جنة الفـردوس لاقلـت وينـه ؟
ذا جدكـم ذكـره يفـوق الزمـانـي= معروفاً اصلـه والعـرب عارفينـه
اُحد* على كبـره شعـر بالهوانـي= من ساق ابن مسعود وش حال دينه ؟
أحتز راس ابـو جهـل فـي ثوانـي= انا فدى ساقـه وانـا افـدى يدينـه
وهذيل لو يصطـك سيـف وسنانـي= رجّالهـم يقـدر يـواجـه مديـنـه
حليمهـم فالحـرب يقـدح جنـانـي= ويكتـف الضرغـام داخـل عرينـه
وفطنـة صغيّرهـم وعمـره ثمانـي= تطيـش اصحـاب العقـول الرزينـه
مابيـن عدنانـي وبيـن اقحطانـي= تاريخـهـم بافعالـهـم محتميـنـه
اجدادهـم شـادو طـوال المبـانـي= واحفادهـم مـن بعدهـم شامخينـه
لاشفتهم وقـت الغضـب والطعانـي= تعـوذ بالرحمـن ثــم تستعيـنـه
وتقول عنهم عنـد صـوت الاذانـي= من وين جابو هالورع والسكينه ؟؟؟
(وابـو ذؤيـب الهذلـي) ماخفانـي= محرر الافكـار يـوم هـي سجينـه
أحفـاده الشعـار واهـل المعـانـي= مكثفـيـن الشـعـر ومطوريـنـه
المجـد فيكـم نـال كـل الامـانـي= والحاضر المشـرق يقـود السفينـه
بـلاش تعطونـي كتـاب الاغـانـي= (أبـو خـراش الهذلـي ) شايفينـه

[/poem]

* المقصود / جبل أحد .

وبيض الله وجه الشاعر القدير نواف بن جارلله المالكي على هذه الجزاله

وفي انتظار الرد من شعار هذيل