على طاري " بعادك مايهز فخاطري حاجـه "


مسى ليلة خميس ٍ والذنوب تناجـي التهليـل


على وقت رماني في بحر طيشـي وفمواجـه


على وقت ٍ قراني واشهد انه جـود الترتيـل


الين اني تأملت الخشوع يغازل حجاجـه ..!!


لفاني من بساتين العتب ورد ٍ علـى الإميـل


وأيقونة ظهر فيها الخجل والشوق واحراجـه


تقول اول مواري غلطتي بين الحنايـا ليـل


تغشاني كأنه ماهو مصدق لقـى حاجـه ..!!


الا يسعد مسى هاك الثقل يوم اشعل القنديـل


وخلى الشعر يسّاقط درر من عالـي ابراجـه


صراحه والصراحه بعد وردك ترفض التأجيل


لو حضورك تأخـر ثانيـة حـررت ديباجـه


عوافي ياهذيك النرجسية في طلـوع سهيـل


عوافي والملك ماباقـي الاّ يحتضـن تاجـه

(فوزي المطرفي).