رد: فكرة برج المليون رد .............!!!
.
وقفات ..
سمعت لي كلمةٍ مدري وش أقصاها
حزت بصدري وانا مانيـب هارجهـا
ولو كل كلمـة اليـا جتنـا طردناهـا
بعنـا الثمينـه بسعـر ٍ مايخارجهـا
ومـن يـم هـذا لهـذا مانقلناهـا
والناس واجد وتلقى مـن يروجهـا
من جابها بيـن خلـق الله اوداهـا
لو به مراجل تـرا نفسـه يسمجهـا
في كنةٍ تشوي الجربـوع رمضاهـا
تيبس غصون الشجر من حر واهجها
والناس بالحق حكم الشيخ مارضاها
ماترضى النـاس لوأنـك تحججهـا
ياللي تبي الطيبه!! خذهـا وعطناهـا
وخـل الطريفـه طريـه لاتثلجهـا
وأقضب طريق الاوادم وامش ممشاها
واتبع دروب العرب وادرج مدارجهـا
ان كان (توّك) على صدرك تهجاها
حنا ترانا !! (ندرس )في مناهجها
ارسـم لنفسـك حـدودٍ لاتعداهـا!!
من حط نفسه بدرب الضيق يحرجها!!
وان كان نفسك هواها قـام ينحاهـا
حط الاعنه بروس الخيل واسرجهـا !!!!
وفكـر بمنكافهـا قـدام مغـزاهـا
واضرب حساباتها وتشوف ناتجهـا
وكل بعضده يمـوح الدلـو برشاهـا
وتلقى كبود الضوامي مـن يبرهجهـا
وان صدت الناس عنا ماعترضناهـا
ماتقفـي النـاس عنـا ونتولجهـا
وان جاتنا الطيبـه بالطيـب زدناهـا
الطيبه بالعسـل والسمـن نمزجهـا
وان جاتنا الثانيـه نصبـر ونرفاهـا
يمكن اليا فـاق راعيهـا يعالجهـا
وان عادها عودتن ماعـاد ينساهـا
من حربتن في صميم الصدر نولجها
مسمومتن!! يبلـش الدكتـور بدواهـا!!
مايقنع الخبل !! ليـن انـه يلامجهـا
الشاعر/ عبدالله بن زويبن
| التوقيع |
|
|
|