::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة - قصائد مسلم بن شعيل الهذلي جمع وتنسيق عمر عبيد العميري مراجعة وتحـقيق الشاعر عماد الهذلي.

12-20-2009, 12:27 AM

الناس والدنيا

الناس والدنيا على طول في سباق =طبيعه الأنسان ماهي بديعه

يالي تقول ابا عقارات واوراق =اقضب طريق المرجله وأرق ريعه

ماهو بعيب انك للأمان تتاق =تخشى خريف السن وانت بربيعه

هذا هو الأنسان فرحا ومنساق =حب التملك فأبن آدم طبيعه

من حق كل الناس تفرح وتشتاق =وتسير بأمر الله فالأرض الوسيعه

حتى البحور الله جعل فيهن أرزاق =شييء نتغذى به وشيءٍ نبيعه

اهم شيء الأدمي يطلق الساق =يسعى ويبذل كل ما يستطيعه

ولايشكي همومه على غير خلاق =شكوى البنادم للأوادم قطيعه

ان كان ماهي شرك فالغالب نفاق =والشرك منكر والنفاق الفجيعه

وان كان ماهي كلها قلة اخلاق =ترجي صنيعه من يدور صنيعه

الرزق بأمر الله يرسل ومنساق =الله يأمر والخلايق تطيعه

كتبتها ذكرى لمن خاطره ضاق =يلجى لرزاق الطيور المجيعه

والحمدلله كل مالاح براق =على الأمن والعافيه والشريعه