::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

04-09-2010, 06:52 AM

امس العصر

امس العصر عديت رؤس المشاريف
اطول جبل يوم ضاق صدري رقيته
وانا احسبن الرجم بيجيب تخفيـف
واثره عنايا ورحت له ليـن جيتـه
وتسابقن دمـوع عينـي ذواريـف
رجع لي الماضـي وانـا مانسيتـه
رجع لي الذكرى بعرض المواقيـف
واللي خـذا منـي واللـي عطيتـه
هموم تلعب بي سـواة العواصيـف
همـن بيقوانـي وهمـن قويـتـه
لين ان قلبـي دق بيـن المهاديـف
من طلعتي للضلـع قلبـي كويتـه
وقامت تتل القلب مثـل الخواطيـف
وما ينفع المخطـوف ليتـه وليتـه
نزلت من المشراف تعبان ومعيـف
ولو ان دربـه قدمنـا مـا مشيتـه
وقامـوا يعذلونـي نـاسٍ ملاقيـف
واللـي عذلنـي يامحمـد عصيتـه
وانا على الماضي كثير التحاسيـف
ولو ينشـري بالمـال والله شريتـه