[ماطر السويدي]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالسانـي تكلـم وارسلـي ياهـجـوس =وشرحي كل علمٍ صـار فيـه التبـاس

انعكس فهم الامـه والزمـا ن معكـوس = وامتلى قلب بعض الناس حسرة ويـاس

كم شجيعاً على جمر الزمـان محمـوس = ويتصبر ولو شـرب المـراره بكـاس

ويترجـا عيـال الخايبيـن الهـيـوس = وان تمرد علـى واقـع زمانـه يـداس

من همومـه عروقـه ناحـلاةٍ يبـوس =مير وشلون يعدل وقت مسعـاه خـاس

يازمـان اتلعجايـب يازمـان الفلـوس =يازماناً على الطيـب صعيـب المـراس

يازمانٍ بـك الثعلـب يحـد الضـروس =واعتلت فيك هامات السلـق والبسـاس

والله اني من دروسك خذيـت الـدروس =درس مع درس زود ضيقتي والعمـاس

وانت ياللي ماجربت الزمـان النحـوس =اعرف ان الزمان اليـوم فيـه انتكـاس

وانشد اهل المعرفـه طيبيـن النفـوس =واقتبس منهم العلم الصحيـح اقتبـاس

وابتعد عن مرافقـة الرخـوم النجـوس =وش تبى من مرافقة الضعوف الخساس

مايحامون جنبك فـي النهـار العبـوس =لو بوقت السعه عندك طـوال الحسـاس

واحدٍ فوق صرح المجد مالـه رمـوس =لا تحطه علـى جنبـك نهـار الـدواس

في الرياجيل فرقاً واضـحٍ ومحسـوس =كانه الفرق من بين الذهـب والنحـاس

اصل صم الصخر ماهوب مثل الطعـوس =ميز الفرق وانته فيك خمـس الحـواس

والمجالس بعظها مالـك ابهـا جلـوس =لو على التجربه يدفعك بعض الحمـاس

مايجالس هدوس الناس غير الهـدوس =والمثل قال كلٍ لـه مـع النـاس نـاس

طول عمر الرجول رجول والروس روس =ينهن فرق شاسع بالنظـر مـا يقـاس

الردا في الردي طول الحيـاة مغـروس =وابيض الوجه له بالعز والمجـد سـاس

لايهمـك ولوطالـت قـرون التـيـوس =ما تـدوم السعـادة والهنـا والونـاس

ماحداً من مقاديـر الزمـان محـروس =كل عوداً لـو ابطـى مقتفيـه اليبـاس

وان تحداك وقتك دوس الاخطـار دوس =لا تلبـس مـن ثيـاب المذلـه لبـاس


لو حنتك الليالي بامرهـا حنـي قـوس =لا تنزل مقامك وانت فـي القـوم راس

كل سبعٍ فروس يجيـه سبـعٍ فـروس =وان تضاعف عزومه يفترسه افتـراس

واعرف ان الليالي حدهـا حـد مـوس =من تراخالهـا ترميـه تحـت المـداس

والرجوله ماهي في لبس زين اللبـوس =والتقصوي بجمع المـال لؤلـؤ ومـاس

كم غنين عن الفعل الجميـل محبـوس =حابسه شـح نفسـه ياعسـاه الفـلاس

وكم فقيراً لهامات المعـا لـي يجـوس =لابـسٍ بالفخروالعـز والمجـد طـاس

لويقظي حياتـه فـي تعاسـه وبـوس =نحو فعـل الجمايـل يدفعـه قـو بـاس

ومن تجرا على حلف اليميـن الغمـوس =بشـره بالتعاسـه والنـدم والـفـلاس

لو جمع مال بقعى حاسه الوقت حـوس =والنهايـه قبـر مظلـم ومتريـن لاس[/poem]صح لسانك يالشاعر طامي وراق

لي هذا الطرح من قصيدك الرائع ونحن سعداء بتواجدك وحضورك

الله يعطيك العافية

فتقبل مروري وتقديري