المشاركة الأصلية كتبت بواسطة عبد الله السعيدي

	السلام عليكم ورحمة الله وبركاته اسعد الله اوقاتكم بكل خير "" ((الــــوصـــيه)) اتمنا ان تحوز على رضاكم واستحسانكم ياسـالم الدنيا الدنيه مـديه يقبل سعدها ويتلاشا سعدها زرعت في روض الهوا سكريه وعيني سقتها من مدامع بردها ودموع عيني كنها عقربيه يلوح بارقها ويرزم رعدها جتني من الله يا عضيدي هديه ان شهد ان عيني ماشافت بعدها بنت الرجال اهل السلوم النقيه اللي على الطاله تربي ولدها ست البها والحسن والجاذبيه وحبالها محد(ن)يحلل عقدها العين عين الفاتن العسوجيه خوالها يعرب وفارس بلدها والمبسم اللي فيه صف برديه من نارها قام يتسلسل بردها والـجيد ما يبغــالها عبقريه ريمية(ن) ترعى الخزاما وحدها والصدر في وصفه يا سالم قضيه تفــاحتين(ن) مـــا يزود عددها والخصر تزمي به قــطاة العبيه وباق الوصوف امر يا خوك وأدها الــعام غنـت بالهـــوا راعبيه روحين جمعها الهوا ما فردها واليوم جا وقت الضروف القويه دنيا عسى ربي يفـــرج نكدها طبع العواذل مخلفت كــل نيه اللي حسدني في هواها حسدها ابي انتضرها لين وقت المنيه العين يحرم قبل اجيها سهدها وان مت يا سالم لا تنسى الوصيه ( قبري حشاهاا والنصايب نهدها) اخوكم / عبدالله السعيدي

الله الله



صح لسانك واعتلى شانك




قصيده رائعه من شاعر جزل





تقبل مروري واعجابي