" أفعالنا واضحه وعلومنا ركض خيل " محمد المسعودي ومرزوق المقاطي
محمد المسعودي ومرزوق المقاطي في محاورة جميلة:
مرزوق المقاطي:
سلام من شاعر طرقي وعابر سبيل...ايمثل القوم ويبلغ تحياتها
ماني بمختار في شعاركم يا هذيل...بعض الآصاحيب قفلنا ملفاتها
محمد المسعودي:
يامرحبا دامت العمله ودام العميل...حنا ندور علومك هاتها هاتها
إن قلت هيلٍ وبن إن قلت بنٍ وهيل...اصحابك اهذيل لا تقطع علاقاتها
مرزوق:
من طبع الإنسان دايم يعشق المستحيل...لكن الآيام ماتامن ملذاتها
يامحمد اصبر شويه مابقى الاّ القليل...اصحابي اهذيل ماتترك حركاتها
محمد:
ياللي تحدى المسافه والطريق الطويل...ماغر بعض الآوادم غير هقواتها
انته تخيل الجدي ولاّ تخيّل سهيل...ولاّ تناظر نجومٍ في مجراتها
مرزوق:
ماني مكذب كلامك كان عندك دليل ...والآرض كثرت عقاربها وحياتها
من عصر وانته على شاني تحط وتشيل...يااصحابي اذيتوا احيا الناس وامواتها
محمد:
افعالنا واضحه وعلومنا ركض خيل... وإن كان غافل تخدم الناس غفلاتها
لولاك ماكان اشب النار راس الفتيل...الناس تطلبك يا مرزوق اماناتها
مرزوق:
ياصاحبي لاتخلط الهيل بالجزنبيل...ترى طرات السوالف عند حزاتها
انا وكيل الآمانه وانت ماانته وكيل...خل الآمانات تقعد في محلاتها
محمد:
اللي لسانه نطق بالحق يصهل صهيل...مايطلب الناس حسنتها وسياتها
اليا بغيت الحقيقه شفتلي فيك ميل... ماني بصابر على برقا وميلاتها
مرزوق:
انا احسب انك حليل اثرك ماانته حليل... ليتك تشوف العرب وتسوي اسواتها
حامد لقينا كفيله وانت شف لك وكيل... قدام الآحوال ماتقفل سجلاتها
محمد:
ودك ترقع صميلك مارقعت الصميل... ماني مخاشر عيال البدو في شاتها
مايرجع الذيل راس ويرجع الراس ذيل...الاّ ياكود القيامة جت علاماتها
مرزوق:
إن كان يالبنك الآهلي مابقابك حصيل...شفنا وعفنا وقفلنا محطاتها
عز الله إنا نقدر لحيتك يالزميل..لاخير في صحبة هذي نهاياتها
محمد:
من شان ماتقدر تسنّد حدرت المسيل...ياغشم بعض الرجال وسرع حوصاتها
|