::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

05-27-2010, 04:31 PM


	المشاركة الأصلية كتبت بواسطة العود القماري


	ابداع × ابداع وبيض الله وجهك ياسامي ورحم الله الشاعر عبدالله المسعودي والله يرحم الشيخ حيسون العميري

جزاك الله خير

بس ابي اسال هل هذه هي المحاورة اللي حصلت بالطائف ولا غيرها

عبدالله المسعودي ومطلق الثبيتي
عبدالله

ماني باجيب الفصاحه غير عند الفصيح
امشي مع النـاس واعطيهـا قوانينهـا
ام الصفا والصفيح اللي من اول تصيح
راحت على موت ابوها حنت ايدينهـا

مطلق

بعض المعاني تعنيني وانا مستريح
وام الموازين لاتصغي موازينهـا
قلب بنعمه وقلب من زمانه جريح
قبل امس تقسي وهذا اليوم يالينها

عبدالله

انا على مرقب عالي بديت استضيح
وان ام عامر تهز انصاب سكينهـا
الهجرة اللي يامطلق جات تنقح نقيح
ايعيش نمرودها ويمـوت مسكينهـا

مطلق

يازند ياللي على الايام تقدح قديـح
لياليك السـود ماترقـد شياطينهـا
اشوف لي شيخ في نعمه وكفه شحيح
حتى الاوادم مشارك فـي دكاكينهـا

عبدالله

اشوف قربة عقيد القوم تنضح نضيح
والثوب الابيض تفرق بينه وبينهـا
ابليس لو جرها يمكن عراها يطيـح
وابليس شريان من ماها ومن طينها

مطلق

النار من تحت قدرك مار عيا يفيح
خلا العرب للعشا تدني مواعينهـا
يقلون باب يجي ياصاحبي منه ريح
سده وتسلم من الدنيا ومـن دينهـا

المسعودي

ولد الهوى يوم غنى لام خـد مليـح
ما احد يلومه وهو مفتون في زينهـا
الذيب ماهو عشا لام اللبـن والتليـح
ان شافت الذيب الاشهب دنهرت عينها

مطلق

ولد الهو مبتلش فام الصفا والصفيـح
اللـي لياشافتـه رفـت كراعينـهـا
ام الكباير على الاجواد تضبح ضبيح
والسوس من ظهرها واصل ضلاعينها

عبدالله

قمرية الفن الاخضر ملحهـا مايميـح
الحب في حلقهـا ماياصـل ابطينهـا
ان كان ابا امدحك ماينفعك كثر المديح
ان كان ماجبـت للقصـه براهينهـا

__________________________________________________ _________________

مطلق

سرى الليل وآباكلّف القاف تكليف
ترى القاف ما كل ٍ بفكره يحوفـه
ورحلة شتانا عوّدتْ رحلة الصيف
وانا آشوف ابو سفيان حرّش كفوفه

عبد الله

ليا جو هل الطيّب رجـال المعاريـف
دروب الرجال اهل الجميـل امعروفـه
ليا صرت ميت ما احسن الموت بالسيف
تيسّـر ومـا يكتـب لـك الله تشوفـه

مطلق

يقولون راعي مصر عنده تصانيف
ليا ما حضر في اللعب قوّم صفوفـه
ومن هو يصلي في صلاته غطاريف
صلاة المنافق مـا عليهـا حسوفـه

عبد الله

تشوفون نصّ الدرب يا أهل الكشاشيف
وفالنص الآخـر شوكتيـن امعكوفـه
وحنا ليا جا عندنا الطرقـي الضيـف
نعشيـه واحنـا مـا فتشنـا ظروفـه

مطلق

تحومون فوق الزاد مثل الخطاطيف
وكل ٍ عيونه نابتـة فـي كتوفـه
عسى الله يكفيكم سهوم الصواديف
يا هل موتر ٍ ماني مصنفر بلوفـه

عبد الله

تنادي تنادي وانت مشتاق للكيـف
وابو صوف عيّا ينشف الما بصوفه
ليا كان ودّك فانت رجّال حرّيـف
كما الناعم اللي ما يخلّـي حفوفـه

__________________________________________________ _________________

مطلق

سلامي على اهل الحلة اللي لها شان ٍ رفيـع
=وحنّا نجيها في ليـال الوعـد وانرودهـا
ليا جيت في سوق التجارة نويت اشري وابيع
ورثنا حياض العز من يوم جات اورودهـا

عبد الله

هلا مرحبا ترحيب يضفي على روس الجميع
سوات الدوى لقلوب بعض العرب واكبودهـا
أقول السوالف وارده كل ضلع وكـل ريـع
عيال الحلال اليـا محـل الحيـاة اتقودهـا

مطلق

بغيتك تسافر يمّ لندن شتـا والا ربيـع
وخابرك ما تسلى جبال ٍ تصيح اقرودها
ترى اللي سواتك يطعم العلم لابده يطيع
ليا جات هرجتها تساوت على بارودها

عبد الله

له أيام والكبسون تقرع على جنبه قريع
يبا يستحلّ ابلاد صنعا بكثر ازيودهـا
أنا عارف انّ السمن طيب ولكنه يميع
يدين ٍ تغمّس فيه بيسيل فوق ازنودهـا

مطلق

يضيع العمى واللي عيونه سليمة ما يضيع
ولا ينقل اللي في نحرها نشب عبرودهـا
وانا ما جبرت اللي تدرّق ورى سدّ الوشيع
ألفّ الجنازة فـي كفنهـا وارزّ الحودهـا

عبد الله

من اللي تدوّر للّبن بعد شهر امن الضريع
وش اللي يصيده بعد يوزي فمه في اديودها
ترى المقبرة حمرا وغبرا وحلم الله وسيع
عسى تشرب الشجرة وتحيا ويثمر عودها

مطلق

لو انّك تغمض نصف ساعة يسبّعك السبيع
وتخدمك ضباط السريّة بكثـر اجنودهـا
لكنّك تعلمت اللكاعـة وسمّـوك اللكيـع
تبا الشيخ يقبل دعوة ٍ ما لقيت اشهودهـا

عبد الله

بعَض قوم لا تصنع ولا تعترف بأمر الصنيع
=عرب غافلة تقرع على القافلة باشنودهـا
ولا يا معلّم خيـر منتـه متيـن ولا رفيـع
تبا تبلغ الخنقة وتوبـة مـا عـاد اتعودهـا

------------------------------------------------------------------------------------------------

مطلق

الي وزعه مع الشعار ياليل الطرب محلاك
نجومك مشرقه واشوفها فالعـرش سباحـه
يعبدالله تهرج كان دنيـا الملعبـه دنيـاك
انا وانته على درب العرب والمشي بالراحه

المسعودي

الا ياشاعر ماجابني مـن ديرتـي لـولاك
كما دار المصيف اللي نضج خوخه وتفاحه
ظروف الوفت تبعدني وتدنيني بدون رضاك
لكن الذيب بانيابه فزع والصقـر بجناحـه

مطلق

عسى نو الشعيه ياعرب يسقى عروق الراك
ولايسقى الذي ضوى المعز والضين فمراحه
نحب اللي يحبك مير مانشنا الـذي يشنـاك
كمنك شايلٍ لـك عكـه بالسمـن نضاحـه

المسعودي

اخذ مال الافندي واكفت المفتاح في مخباك
ترا مذبحكم لين الافندي جـارد سلاحـه
تقوله وانت لازم خرشة الباكور في يمناك
تبا تطرح به اللي بين شعب رهاط والباحه

مطلق

..... الـلــي ورثـتــه ويـــاك
لكن انت الذي لعبت فـي قفلـه زفتاحـه
معي باكور اهزه وانهمه واقربه واربـاك
وانا باجبدك بعد الناس قالوا طاحتك طاحه

المسعودي

نصيب اخوانك اكبر منك هذا مايلاقي ذاك
لكن اليا تعرضت المديد ارضوك بفراحه
لكنك ياثبيتي متر فراشـك ومـد خطـاك
ترى بدو الشعابه حضر والحضران فلاحه

مطلق

بابو حنا تجوز الناس من غمرك ومن حناك
وبدريه تصيح فوق وصـل الله وصلاحـه
مواصير العماره نقطـت يبغالهـا سبـاك
ولا ياليتهـا بيـر عليهـا الدلـو مياحـه

المسعودي

اقيس يالمغني مايجيب القوم غيـر غنـاك
ولو تدرق يدينك عارفينك ياحمر الراحـه
انا اشوفك تحب الموت مير الموت مايبغاك
اقيس لك نصيب ولك بخت وقرون نطاحه

مطلق

وياليت الذي داوا الجبرتي من عصر داواك
طبيب القلب يزرع القلب والاجراح جراحه
ذبحك البرد وقت البرد لكن الدفـا دفـاك
تفرش مشلحك حتى تلحف لـك بطراحـه

المسعودي

انا خابرك ماعمرك ضبطت العافيه يمناك
لكن اللي يضيع راس ماله ضيع ارباحه

__________________________________________________ __________________

المسعودي

نهاية يوم ذي الحجه بداية يوم من عاشور
هلا يامرحبا والمملكـه باحلـى لياليهـا
انا ماهمني فالوقت لا مطلق ولا مستـور
مركبها على قمة جبـل وتهـز رجليهـا

مطلق

انا اشوف المدافع فالمحاجي والفرود اتثور
يدوم الك البقا وانته جملها وانت راعيهـا
تقوله وانت محني في يديه حنية الباكـور
وانا اللي من قديم الوقت طابخها وشاويها

المسعودي

عينت الشايب اللي لقمته ماوصلت الحنجور
فضيحه لن تفلها وان بلعهـا سمهـا فيهـا
منول ياذهبنا كنت في صندوقنا مصـرور
وذلحينـه تشالتـك الحراميـه باياديـهـا

مطلق

عينت الطرقي اللي شق قدرة شعلة الدافور
لياجاته ضيـوف الله يـزري لا يعشيهـا
انا ماني بشايل لي عصاة راسها مشقـور
لكن التاجـر اللـي جابهـا لازم يوديهـا

المسعودي

ولا ياصاحب ماتشرب الا السكر المعصور
ديار مابها الا الشوك لـو يشيـل واديهـا
تصيح الها مع المغرب وتقهرها طلوع النور
شداد فوق غاربهـا وحبـل فـوق اذانيهـا

مطلق

انا اشوف السمن سايل من الجبه ليا الزبزور
يصلح وجهها ميـر الكوايـا فـي علابيهـا

__________________________________________________ __________________

المسـعـودي
.

هلا مرحبا يامسهلا واكثر الترحيب
وانا من هل الديرة ولاني بها منكور
أباخذ علوم الطرقي اللي يجي ويغيب
لعله بعد عيش البداوة طلع دكتـور

.
.

مـطـلــق
.

يدوم البقاء ياذيب ياللي زهمت الذيب
عيونك كهارب نور والوجه فوقه نور
تدور الليال وتابع المقفيـات يشيـب
وفاح البحر ياصاحبي واغرق البابور

.
.

المسـعـودي
.

ابا انشدك ياللي دارس الطب والتطبيب
أخير الدهر ولا هل الوادي المخضور
يقول البديوي جاء على شبرة التلبيـب
واخذ لقمة جرت وكرت مع الحنجـور

.
.

مـطـلــق
.

أخير الدهر للي مصخن وفاضي جيب
ونبت الحياء للي يرد الورود صدور
انا ماعرف القصة ولاني بعالم غيب
وانا عارف الجنة مرابي بنات الحور

.
.

المسـعـودي
.

طلبت الله اللي طالبه ماهقيت يخيـب
مادام انه ادخل راعي الجيب والزبزور
علامك تلد العيـن ياراعـي التهذيـب
وانا لو يطول الليل ماقلتلـك معـذور