هذي قصيدة للشاعر الكبير عبدالعزيز بن ناصر الهذيلي يرحمه الله من هذيل الدلم والخرج
الملقب بـ ( ابن هذال ) و ( شاعر الحربيه ) والحربي أحد أغراض
الشعر كالمدح والرثاء والغزل وغيره أما من جهة هذه القصيدة فهي
اشتهرت شهرة غير طبيعيه وبالأخص هذا البيت منها اللي يقول
عبدالعزيز يرحمه الله :
ياحافـر القبـر واجعـل فيـه مدهالـي = والى جاء على حد راسي لاتغطونه
إليكم هذه الدره بأكلمها يقول :
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
والله ماهمـنـي ولاســرق حـالـي = ياكود ضبي على الرامي يحدونه
عساه إلى من رمي يخطي به الوالي =وعسى القنانيص غيري مايصيدونه
ياعزيز أصبر على ماقدر الوالي =وأهل الحسـد وفقـه لابـد يلقونـه
ياعيون ماترحم اللي صابه هبالـي = على غرير طويت الياس من دونه
ون كان غض النهد ياعيون ماجالي = تــراي مـيـت وقـبـري ابتحـفـرونـه
ياحافـر القبـر واجعـل فيـه مدهالـي =وإلى جاء على حد راسي لاتغطونه
خلوني أشـوف مـن سيـر ومـن جالـي = وأشوف غض النهد يمشي على هونه
غض النهد وإن مشى في وادي سالي = ينبـت نفـل والزبـيـدي مـنـه يجنـونـه
[/poem]