[frame="2 98"]
راكب اللي في لزومه سجته تعجبني=لاسروبه في خلا فاقصى البسيطه خالي
لاشتغل صوت السيور وبكرته يطربني=ضاهره مركب ملوك وداخله يزهالي
لقبوه المفخره ومصممه متمعني=ميزه بمواصفات وحط سعره غالي
لولزومك فالجهات الاربعه وش يعني=دق سلفه لاركبته واتجه طوالي
طير شلوى عن سواه من المواتر يغني=رغبتي لاجاء لزومي وابتداء ترحالي
لو بغيت اشريه كاش الوقت ماطاوعني=وان بغيت اقصده ضيعت راس المالي
من يقل لمورده للمملكه يزهمني=ثم يعطيني خطاب لقسم الاستبدالي
ياخذون الموتر اللي فالخلا ضيعني=واخذ الجيب الجديد اللي مقامه عالي
[/frame]