[frame="2 98"]
محاوره بيني وبين الاستاذ خليل الثقفي:
صلاح
صباح ورد الهدا والشـام== و صباح لبنـان وثمـاره
ياهل الوفاء يارجال حشام== كلـن نوفـيـه مـقـداره
خليل
يامرحبا بالصبـاح التـام== اللي معـه وردت ازهـاره
ثمـاره الطيـب والإكـرام== من عـد مبّـدع بإشعـاره
صلاح
عسى البقى خطت الاقـلام== وصاحبك بيح لك اسـراره
كل مانتهى عام يقبل عـام== والقلـب متلاحقـه نـاره
خليل
من قو ناره نشوف اعسـام== تحجب عن العين اخبـاره
ولا ادري سببها من الأحلام==واللا زمن طحـت بوجـاره
صلاح
القيد محكم علـي احكـام ==في سجن فـولاذ اسـواره
كني مبلـغ بحكـم اعـدام ==من وقتي الشين واضراره
خليل
لاتقبـل الظلـم والظـلام== ومن حقك النّقض وإنكاره
لاتروح فيها مثـل صـدام== يوم ضيع الوقت مسعـاره
صلاح
صدام له فالعـراق نظـام== دمر بلـد خيـر بافكـاره
وانا توجـه علـي سهـام== حضي برك واعلن اعساره
خليل
هيا استمع يالصديق الهام== في جور حظّـك واقـداره
الحـظ كـم حيّرالفـهـام== واحتارت الناس باطـواره
عليـه لاتعلـن إستسـلام== وابذل له الجهـد لإعمـاره
وخلّ الأمـل فالّـذي قـدام== مــادام الأيـــام دواره
[/frame]