::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

06-19-2010, 09:16 AM

اقدم لكم هذه القصيده التي اتمنى ان ترقى الى اذواقكم الرفيعه وهي نصيحه لإبني احمد

[poem=font=",6,,normal,normal" bkcolor="transparent" bkimage="" border="none,5," type=2 line=0 align=center use=ex num="0,black""]
ابوصيك يا احمد واسمع العلم وانا ابوك = وصيه وجوِد حبلها لا تبدلها

وصية مجرب داس فوق الحصى والشوك = تجاريب مع بعض العرب ما تحصلها

تخير من الاصحاب لامنهم خاووك = ثقات الرجال اللي تنومس فعايلها

ليا احتجتهم في ساعة الضيق ما كبوك = تحل العقود اللي صعيبه وتفتلها

والانذال لو عاوزتهم يوم ما سروك = تعذرك لو معذارها ما يجملها

ولكن خل الباب في وجيههم مصكوك = وجيه الرخوم اهل الردى لا تقابلها

وبوصيك في الخطار رحب بهم لاجوك = ونزِل كريمين اللحى في منازلها

لهم واجب الترحيب في البيت لي مروك = وعجل عليهم دلة الكيف عجلها

وقدم لهم كبشٍ سنه في الشبك مشبوك = مربيه تاجر كلمته ما ينزلها

يقولون فيك ونعم لامنهم عدوك = وفي فعلك الطيب تغني مثايلها

وربعك ليا عزيتهم كلهم عزوك = ابوصيك صون حقوق ربعك وكملها

تراهم عضودك تدحم القوم لي حدوك = ليا قربت بارودها من فتايلها

وللجار حق ولا بحق القطير شكوك = والاجواد تكسي جارها من جمايلها

ولا تاخذ الا راي عرَاف يوم افتوك = ترى القوم تاخذ رايها من دلايلها

وحذراك تامن كل من قال وانا اخوك = وهو لي سمع له هرجةً جاك شايلها

يدور على الزلات ويجيبها الصعلوك = ويسعى بها بين العرب لين يزعلها[/poem]

وسلامتكم...