مندوب للهذلان يحمل عبارات == فيها الكلام اللي من القلب مجلوب
مرسول من مكه لرجل المهمات == للعاهل اللي في رعاياه محبوب
اليا وصلت الماربيا وبالذات == قصر به الصيوان للفهد منصوب
أبداه لاجيته بزين التحيات == وعد الكلام اللي للجواد مكتوب
فيه العزاء في كاسب الطيب مرات == امير الشباب اللي مقدر ومهيوب
في نجله اللي له مع الخير وقفات == والطيب عد وجد له صار منسوب
صقر يفز اليا سمع صوت صيحات == ويفزع لمنهو فاخر الارض منكوب
له في مقر عيال الاموات بصمات == كافل يتيم وعون من جاه مكروب
للطيب في راعيه تظهر علامات==ماهو على مسلك هل الخير مغصوب
عساه يمسي في نعيم وجنات == ويسقى رحيق من القوارير مسكوب
من حوله الولدان في كل الاوقات == والقبر مد الشوف ماهو بمحجوب
هذي تعازينا بطي الرسالات == تنصى رجال ضوها دوم مشبوب
عن ربعي الهذلان سطرت الابيات == قاف وليد اليوم ماهو بمنهوب
ماهي على ربعي شكاله وقدمات == اعرف مشاعرهم وانا عنهم انوب
وصلوا عدد كتب القلم فالسجلات == على النبي اللي دعى الناس بسلوب
00000000000000000000000000000000000000000
000وسلامة الجميع000