::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

06-28-2010, 05:25 PM


	المشاركة الأصلية كتبت بواسطة صالح الكعبي


	حياك الله أخي عماد والله ياعماد قلبي صافي عليك مثل العسل ولا بيني وبينك إلا كل خير وأدري أنك ماغلطت عليه شخصياً ومن أول رد لي عليك وضحت لك كل حاجه فالمشكله في العبارات ألّي في اسلوبك لم توفق فيها سراحه كانت مجحفه للعموم وليس لي أنا .. فإذا كان أنك أبتعتذر فعتذر للعموم الله يوفقك وما أنا إلا نقطة في بحر ، بعدين أنا من العالم الصريحين ما أعرف أجامل كاش أعطيها .. كان في المدرسه مسميني الصريح . ومن المتعارف عليه في عالم النت إذا أنا مثلاً غلطت عليك أو أسأتُ لك أنت ما يضر ك شي ترجع الإساءة لي والقرأ ينقدوني أنا وأصبح صغير في محط أعين الناس . أما بالنسبة لمحور الموضوع فقد أبديت وجهت نظري فيه من البدايه وأحس أن العمليه غسيل مخ لا أقل ولا أكثر ! لأنه وانا خوك ما نستطيع نخصص لنا فن لحالنا ونقول هذا فننا لا حد يقربه ونجلس نحامي على بوابة المنتدى هذا يصلح هذا ردوه لا تلصقونه فينا لا تقربونه منا هذا فن أصيل هذا مو اصيل رده صده ، كلها أشوفها في مهب الريح .. الفن هذا أصيل وبحره قصير ضمن بحور الشعر معروف حاله حال البحور الثانيه .. أنا اسمع ناس كثير مو في المنتدى خارج المنتدى يقولون هذا دخيل علينا فكونا منه . يفكرون لنا شعر لحالنا !! القضيه قضية شعر لجميع البشر وحتى الجن مشاركتنا فيه ..والشعر هذا له بحور ثلاثه" هجيني طويل وهو ألّي العالم مصرقعين عليه عشان النظم عليه سهل ، الوسط ، والقصير ألّي الآن المشكله عنده .. لنفرض: ياعماد أننا أتفقنا على أننا ماننزل إلا من ثلاث أبيات وما فوق ونسميها هجيني ونلغي شي إسمه كسره ( بح ) البحر القصير موجود ولاهو بيدنا ، "والحبر تيه" ألّي أزعجوك موجودين يبي ينظمون على نفس البحر هذا ثلاث أبيات وإلا أربع ويمكن يتعدونا ويستخدمون أساليبهم المسيئه ! تعال علمني أش نسوي ذيك الساعه نجتمع مره ثانيه ونبحث عن اسم أخر والا أيه الحكايه . لأن البحر موجود وإذا حاجيناهم قلنا لهم لا أحنا شعرنا هجيني مو كسره يجلسون يطقطقون علينا حتى وإن خالفناهم في العدد البحر واحد .. واضح . ياعماد : مسألت أن هذا الفن ما يصلح عشان الإساءه أحس أنه سراب ما له نهايه ..ومن وجهة نظري أن تدع الخلق للخالق ألّي يبي كسره يقول والّي يبي هجيني يقول والّي يبعشر يعشر .. الناس تحكم على الشعر من جودته والّي يبي يسيئ على نفسه ، وكل شاعر يعرف شعره . أنا مستغرب هذي الأفكار منك وأنت شاعر ، لأنه ما عندك آليه تستطيع من خلالها التحكم في عقول البشر . معليش ياعماد وربي أحس أني ثقلت عليك >> أدربي في راسي وسطكم حتى مانا شاعر .. سلملي على حيوما ألّي ما يقدرون الحبرتيه يتناقزون فيها ، والا التعشير أنا اشهد .. هيا خل قوم عزه ورحمه يعشر ون. أقولك ياعماد .. أبي منك طلب .. قووول تم تفتح لنا قسم خاص للهجيني >>> ما أقدر أقول كسره ..آصه أرجوا السماح من الجميع .. سامحني سامحني سامحني ياعماد تقديري للجميع ،،،،

هذا ما أتمناه واسعى له يا صالح

عموما أنت قرأت الكثير من وجهات النظر، والموضوع طرح للنقاش والجميع أدلى برأيه، فأن رأيت فيما قلته ولو وجه من الصحة لك أنت تعمل به، وأن لم ترى فأنا لم أمنع الكسرات حتى في مجلس الشعر الشعبي، مع أن قوانينه تسمح لي بنقلها، لأن القصيدة لاتقل عن سبعة ابيات والبيتين لاتعد قصيدة ويحق لي النقل.

ولكن مع ذلك أن لم افرض سلطة، أنا أتيت أناقش وأحاور بشكل عقلاني، وأنت في أخر المطاف مخير، أن كتبت كسرة، هجيني سنظل أخوة بلا شك وأختلافنا لايعني إلا أن لكل منا فكره.

أعتقد أنني بينت وجهة نظري كاملة وبعض الأعضاء كذلك بينوا وجهات نظرهم، منهم من وافقني في توجهي، ومنهم من خالفني الرأي.

ويبقى الأختيار للشعراء

والله الموفق