::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

07-12-2010, 09:15 PM

أخواني أعضاء وزوار مجالسنا
السلام عليكم ورحمة الله وبركاته
اضع بين يديكم هذه المتواضعة التي كتبتها على عجل
وأوجهها لصديق من خارج المنتدى أتمنى أن تروق لكم :

[poem=font=",7,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياصاحبي ياللي لك القلب هشّاش = خوتك منقوشه على القلب تنقيش
آنا ليا خاويت ماخاوي اللاّش = ماخاوي إلا رجال عرف ومداغيش
في خوة الطيب نبا نصرف الكاش = مانصرف أنصاف الهلل والبخاشيش
أرخص له الغالي ولاني بغشّاش = أفديه بالدم الحمر حزّت الطيش
إن طحت قالّي عاش راس الخوي عاش = وإن طاح قلنا يسلم الذيب ويعيش
والصاحب اللي خوته طاش ماطاش = ماهمني وضعه ولو ينفش الريش
الصحبه اللي ساسها منخرب ماش = هذي نسميها بخوة ( دراويش )
ياصاحبي قلبي لك أبيض من الشاش = ولاجا على رادار خوتك تشويش
حطيت لك في العين منزال وفراش = حاميك عن كل العيون المغاشيش
واغضي عليك عن البلا سود الارماش = واحفظك عن قوم الحسد والهراطيش
واليوم جاني من ردى الحظ منواش = مالي عن صدوف المقدر مخاشيش
هذي ثلاث أيام والراس منداش = والحال ينهش فيه سو النواهيش
ماجاتني منكم رساله ومطراش = وآنا أنتظر واسأل عسوس المطاريش
وإن هب نسناساً من الشرق مغباش = اسأل واقولّه صاحبي مالفى ليش ؟
من راس أبو حمدان ماني بهتاش = بامر الذي ينشي السحاب المراهيش
لك وعد لاكسر حاجز الهجر وانحاش = قديش حابسنا عن الوصل قديش ؟
بكره ليازالت عن النفس الانواش = نوفي الوعود ولانهاب الخفافيش [/poem]

وسلامتكم