صباح الخير لك أعضاء وزوار منتدى هذيل الكرام
أقدكم لكم رائعة من روائع الشيلات

شيلة رحيل الجار
كلمات/ محمد الشاطري
أداء / النداوي

البارحة في نومتي ماتهنيت=والليل طول وأصبح الليل ليلين
سهران من حرني على الكوع تكيت=أونس بصدري مثل طعن السكاكين
من يوم راح الجار وأخلى لي البيت=حزني سطى في القلب قبل الشرايين
ياجار ليش أنته عن البيت شديت=غيبتك عني فجرت بي براكين
بأخفي دموع العين لكني أزريت=غصب(ن) عليه تنحدر دمعة العين
من يوم قالوالي رحل راعي الصيت=روح وخلى داخل القلب جرحين
واليوم ياجاري عليه ترى أخطيت=وشلون بعت إلي لديرتك شارين
أدفع على راجعتك مهما تمنيت=والله لأسوق أغلى الذهب والملايين
من أول أشوفك إلى أقبلت وأقفيت=وأشوف قدم الباب لعب البزارين
وياكم مرة من دلالك تقهويت=لا جيتك مسير تبسملي أهلين
لاضاق صدري جيتلك ماتوذيت=تفتح لي قلبك مثل فتح الدواوين
واليوم ياجاري بعدت وتنحيت=شلت الفراش وشلت كل المواعين
الجار له عندي معزة وأنا أغليت=جيران بيتي كل أبوهم حشيمين
وأنته على الجيران طفت وتعديت=في راس رجم(ن) مابه إلا المحبين
يالله يلي فوق عرشك تعليت=ياقابل الدعوة وصلاة المصلين
تحفظ لي إلي راح وأخلى لي البيت=ترفع مقامه عند نصب الموازين

*لتحميل الشيلة *
رابط مباشر من رفعي لعيونكم

مجهود : أبوطلحة
لاتنسونا من صالح دعائكم