رد: سامي السويهري وابوحمدان
ابو حمدان :
هلا يامرحبا بالغامض اللي صار لي مكشوف
عسى أيام الغموض اللي مضت ربي يكافيها
ولو طال الزمن لابد مانسمع خبر ونشوف
ونعرف كـــل ماتخفــــيه الأيام ولياليــــــها
سامي :
يدوم الك البقا والعب على المكشوف مابه خوف
ولو العب على الغامض بسرحها وضويها
ترى صاحبك سامي للعداء ضد العداء ويحوف
ليا جاته علوم اهل الوفا ياخذ ويعطيها
أبو حمدان
نبا نحكم معانينا ولانخرج عن المألوف
وكل قالته عن هرجة الزلة يداريـــــها
وسبع أنعام بك ياالشاعر اللي صرت لي معروف
ونا خابرك من ربـــعاً تدافـــع عن مباديــــــــها
سامي الهذلي
ليا حكمت معناها نبى نمشى لقوم الجوف
لساني لي حصاني كلمة المعروف امشيها
هذيل اهل الشجاعه والزعامه ماش فيه ضعوف
ابى كافح واحارب دونها والرب حاميها
أبو حمدان :
هذيل أهل الكرم والجود ربعاً تنقذ الملهوف
وأنا من دونها دوم أعـــقل اليمنى وثنيــــها
وأنا من لابة ياصاحبي صلفا حداد سيوف
هذيلي من هذيل اللـــي عزيزة في مبانيها
الله الله الله الله
شدوا ترى بغينا نسري
|