ماجد الميزاني
ياسلام الله سلامٍ فيه جـل مـن التحايـا = في محل هذيل قبل هذيل يذبحني غلاهـا
السوالف يامحمد جات من بـذ الخفايـا = ودنا نكشف عن الحره ونعرف وش وراها
محمد الزيداني
ياهلا يامرحبا بك من مجهـزت السرايـا = مثل ماتغلي هذيل مطيـر نغليهـا كماهـا
يالمطيري من هو اللي يعلم أسرار النوايا = مير من دون الحرار اذياب يقنب لك عواها
ماجد الميزاني
البقا يهل العلوم الطيبه وهل الحمايـا = رافع الله شانها مع قدرها من مستواها
النوايا طيبه وعلومنا سـر وخفايـا = والذيابه يامحمد نحمد الله في حماهـا