ماجد الميزاني
ياسلام الله سلامٍ فيه جـل مـن التحايـا = في محل هذيل قبل هذيل يذبحني غلاهـا
السوالف يامحمد جات من بـذ الخفايـا = ودنا نكشف عن الحره ونعرف وش وراها
محمد الزيداني
ياهلا يامرحبا بك من مجهـزت السرايـا = مثل ماتغلي هذيل مطيـر نغليهـا كماهـا
يالمطيري من هو اللي يعلم أسرار النوايا = مير من دون الحرار اذياب يقنب لك عواها
ماجد الميزاني
البقا يهل العلوم الطيبه وهل الحميـا = رافع الله شانها مع قدرها من مستواها
النوايا طيبه وعلومنا سـر وخفايـا = والذيابه يامحمد نحمد الله في حماهـا
محمد الزيداني
اختصرنا صورة الواقع حسب حجم المرايا = والحقيقه صورة الواقع مااحد يلحق مداهـا
كل وقت وله رجال وكل حرب وله ضحايا = احسب حسابك ترى الدنيا بدت تدرج رحاها
ماجد الميزاني
صورة والواقع حقيقه يوم عقلـت المطايـا = والحقيقه عن ديار هذيل تعرف من حصاها
تاكل النيبان قسم ويـش قسمـك يالثنايـا = والرجال الي تعز اشنابهـا تكـرم لحاهـا
محمد الزيداني
منت موزم تنزوي ياماجد افبعض الزوايـا = مير ماني هادي المطـران والله ماهـداها
الشواويـه شواويـه وتقنـع بالشـوايـا = والذيابه من حلال القوم جاب الله عشاها
ماجد الميزاني
يابليس القوم كانك جيـت جفلـت الرعايـا =مير حاسب للقدور البيض لاتكشف غطاهـا
انت وش حصلت يومك جيت من سبت العلايا = نعرفك تاخذ حلال القـوم ماتسـرق غداهـا