جرح قلبي
أنادي باالصحيح ويالعل الصدق يوحيني = واظن الصدق اصم ابكم عمى مايسمع ندايه
ودرست من التجارب في سنيني مايكفيني = لكن الله يكون بعون من مثلي وشروايه
وشاب الراس ياالهوجاس مماشافت العيني = جروح الناس اداويها وانا ماطحت في دوايه
ورزقي فوق خالقني ويطعمني ويكسيني = هذه مبداي يااهل الجود ماغيرت مبدايه
واعاتب جرح قلبي ليه قلبي مايعاتبني = الين امسيت هامش تشبه لموتي يامحيايه
متى ياالمعطي الرزاق ياالوهاب تعطيني = امل صادق ويمطر من صدوق النو منشايه
تسرحني مبكيني تضويني مبكيني = وكنك ماتحس ولاتشوف دموع مبكايه
وانا حاضر واناضر ليت تطلبني وتدعيني = مثل جدي وابويه فالولاء وزياده ولايه
وترا لن صابني ماصابني ماكان مخطيني = كتبلي في جبيني مثل ماتقراه في الايه
وعلى النسيان ماواساك قلبي لو تواسيني = وانا فاالله وثم فالوالي المحبوب رجوايه
وعساها في حسناتك وحسناتك في موازيني = اجر شاعر زرع حب الوطن للكل في مرايه
|