حداية بلغز للشاعر فالح الحساني ورد قبيلة بني مسعود
فالح الحساني
سلام تسليم الوفا اللي ما نغير في نظامه
ياربعنا عزوة بني مسعود ياقوم الشهامه
المجد من عاداتكم ماتاخذون الا سنامه
هذا كلام الصدق يالعراف والعلم الاكيد
وحنا بني حسان ظل الراس من فوقه عمامه
وأنتم وحنا كلنا مابيننا فرق وزعامه
صديقنا يفرح بنا والا العدو نكسر عظامه
منسب هذيل اللي لها تاريخ باقي ما يبيد
واللي بعدها وش ولد دايم في بطن أمه طعامه
شبعان ويقسم على بنتين من تحت اللثامه
في حكم بنتن لو سلمها ما تحرك من مقامه
واللغز ما يصعب على أهل العرف والرأي السديد
الرد من بني مسعود
يامرحبا ترحيبة الصفطان يامال السلامه
ياربعنا عزوة بني حسان أهل عز وقرامه
يالاد جد تكسبون الطيب من واضح وسامه
الله يحييكم وليل جابكم محسوب عيد
والنعم فيكم يابني حسان ليوم القيامه
أنتم وحنا في سما الامجاد سوانا علامه
ماني مدينكم ولا مدان في ربعي رخامه
تبقى هذيل معانده ليشافت الخصم العنيد
ياللي نشدت عن الولد صايم ولا يجرح صيامه
المرود اللي ليغشاه الكحل واصبح بستلامه
يطهر العينين من كثر الغشاوه والعسامه
غايب سنين طوال والليله بعثته من جديد
| التوقيع |
|
إذا كـــــــانـت النـفـــوس كــبـــــــــــارًا
تـعـبــــــت في مـــرادهــــــــا الأجســـــــام |
|