رد: المــــوت حـــق
الموت حق ولا عن الموت مجناب=لوبه مجنب كان ابو زيد جنب
حق(ن) يجي له لنتها العمر طلاب=طال العمر والى انقصر حكمت الرب
لابد من طارق يجي يطرق الباب=واليا حضر مافيه منجى ومهرب
ولابد مسكن قبر وفراشه اتراب=وسقفه قفايف والذي خافي اغرب
كم فرق احباب(ن)وكم شتت اقراب=ولا عمر موت(ن) بين الاخوان قرب
كم قصف اعمار(ن) وكم خضع ارقاب=وكم يتم اطفال(ن) وكم بيت خرب
وكم واحد(ن)للموت ترميه الاسباب=وكم واحد(ن)في موت نفسه تسبب
ولو فيه موت(ن) مايجي عقبه احساب=ماكان احد في الموت فكر وحسب
وياقابل التوبه من العبد لي تاب=جيتك ذنوب ورحمتك مني اقرب
الحميا المووووووت حق الله يرحمنا جميعاااااا
قصيده جميله مذكره بما نتجاهل وننسى
ابيات متماسكه حول موضوعها كلمات مؤثره
الفاظ جميله
يعطيك العافيه ولاهنت
تحياتي للجميع
|