مجالسي ل/ محمد بن محيسن المقيتي اللحياني
مجالسي للشاعر/ محمد بن محيسن بن عبدالله المقيتي اللحياني الهذلي
شاعر فحل ولدعام 1310 وتوفي عام 1380 للهجرة
" وصية الوالد لأبنائه"
أول كلامي يوم أقولعه وأغنيه #### قافٍ مصرف معتني فيه
من بعدما قيست وقتي و ما فيه#### قمت أتمثل بالطروق العجيبات
عزيل من لا يحتزم بالسلاحِ #### ولا يمشي مع الرجال الفلاحي
اللي نهار الضيق فيهم رباحي #### وإلا كثير الناس مشيه خسارات
بوصي عيالي و الوصاية لزومي #### حقٍ عليهم يدركون العلومي
اللي من الجدان يلقونه رسومي #### عِزّاه من لا يدركون الوصايات
هذي وصاتي واسمعوا يا عيالي #### تلقون فيها ربحكم و النوالي
الأولة فالصبر و الصدق غالي #### و الكذب ما يبني لراعيه بنايات
والثانية الصمت حشمة و مقدار #### مافي كثير الهرج غرسات و أثمار
إلا يضيع كل مجموع الأفكار #### تعبان هراجه ولا فيه...... ثبات
والثالثة من صان روحه حصنها #### ما شانها إلا مشيها في جهنها
........جنبها عن طرايق محنها #### و تمسيبه مرتاح في عز راحات
و الرابعة صدوا عداكم بالايام #### ترى التفرق ما يجيب إلا العدام
بيت الأخاوة شيدوها أهل الزعام #### ما تهدها لو تجيها الصاعقات
و الخامسة ما أشوف في هذا الزمان #### إن كان ضل غير كيسك و اللسان
وحدة من الثنتين خلوها حصان #### فيها عزايم بصركم و الشطارات
والسادسة لا جاتكم قاله تغير #### يسعى بها واحد معجّل بالمسير
قله على هونك تريض يا بصير #### حتى تعرفون العلوم النايرات
والسابعة لا جات حزات الرفيق #### كونوا معه وافين في كل ضيق
وأنتم بحفظ الله تعرفون الطريق #### اللي توصل للردود الراهيات
والثامنة لا جات زلة من قريب #### أما وليد العم ولامن حبيب
تسعين زلة تندمحله ما تعيب #### وإن زادها لا تقبلون الزايدات
والتاسعة الجار لا يشكي كريّه #### بينه وبين اللي خلقنا مكتليّه
إن شد وإن ظل الحفايف لا تجيه #### خلوه يذكركم بكل الطيبات
والعاشرة لا شفتوا الديرة شحيحة #### قلت منافعها ولا هي نصيحة
تبدلوا عنها ديارٍ مليحة #### تلقون فيها يا عيالي مسرات
من بعدها سوموا كلامي للرجال #### اللي تعرف المايلة واللي عدال
أما لقيتوها كما نقد الريال #### وإلا كما كنز التجارة مجوهرات
ولا حدٍ بعقله يكتفي غير العزوم #### مثل القمر لا تاه في برج النجوم
عزمه يتيه به و ترتعها الجصوم #### حتى يعوّد للدروب السالكات
والعاقل اللي في المعاني يستشير #### ياخذ مشوره من صغير و من كبير
من بعدها يرجع لفكره و الضمير #### قد ميّز الوزنة وشاف الراجحات
هذا كلامٍ قاله الشاعر صواب #### ما فيه لا زلة و لا فيه انقلاب
قاله محمد للشيوخ و للشباب #### ابن محيسن ما يجيب المخطيات
وأختم كلامي بالنبي ذاك الهلال #### صلى عليه الرب و امرنا وقال
صلوا على المختار باهي في الجمال #### عداد ما غنت طيور ساجعات
للأمانة منقول من كتاب/لحيان بين العلا و مكة
آخر تعديل هشام الهذلي يوم 07-11-2007 في 06:23 AM.
|