.

.


إيــ و الله إنــي فـيـك مـغـرم و ذايـــب
............... لكـن تحكمـنـي فــي حـبـك.. ظـروفـي

إحسـاس طفـل ٍ يحكمـه فكـر شايـب
.............. لين انـكسر حـلمـي علـى حـد خوفـي

أغـيـب فــي ذكــراك مـانـيـب غـايــب
............. و ارسـمـك بسـمـة فـي ثـنـايـا حـروفـي

و القـاك شرهـة فـي عـيـون القـرايـب
............. و اجمعـك حـلـم يبـدد الـيـاس جـوفـي

و ابعـدك عـن فرصـة نظـر كـل خـايـب
................ و آخذك ,, و اسلمك سمعـي و شوفـي

أغـلـيـك يـــا كـــل الـغــلا و الحـبـايـب
............... و ارفـع لـك أيمـان الغـلا فـي كفـوفـي

و احـاول اجمـع مـن حروفـي عجـايـب
............... و انـا ادري إن الشعـر مـا هـوب يوفـي

دخـيــل عـبــرات الـعـيـون السـكـايـب
............... يــا متلفتـنـي فـــي تـمـاديـك روفـــي

وش في يدي ،،، ليه العتب و الطلايب
............... وشلون ابا اشرح لـك دواعـي عزوفـي

أمسي و انا مقدم على الموت هايـب
............... الـحــزن بـيـتـي و الـروابــع ضـيـوفــي

اخــذت حـبـك فــي خـضــم الـنـوايـب
.............. منفـى ,,, و لـو مانـي مطـول وقـوفـي

الـعـمـر فـرصــة و الـمـحـبـة وهــايــب
............. و انـا علـى رجــواي اسـابـق حتـوفـي

امــا خذيـنـي حـلــم و الـبــال طـايــب
............. و الا اعذرينـي و ازهـدي فـي طيوفـي