محتاجك
انتظرتك لين قالولي كفا
لو حبيبك حي و يحبك رجع
انتظرتك لين خلصت الوفا
و الامل شديت حبلة و انقطع
في فصول البرد محتاجك دفا
ما كفاني حر نيران الولع
وفي فصول الصيف ظللني الجفا
بس محتاجك تظللني دلع
و اخر انوار الرجا فيني طفا
في ظلام اليأس للشك استمع
و السهر من حالتي ملّ و غفا
و الالم حتى الالم حس بوجع
كل شي طال صبرة و اكتفا
غير قلب ٍ فيه حبك منطبع
قلبي اللي كان عايش في الخفا
مختفي بالحب و بطيت و طلع
كل ما قلنا تماثل لشفا
جاب دمعة في عيوني و الندمع
بانتظر ما عشت لو قالو كفا
منتظر حبي رجع او ما رجع
_____________
تقبلو تحياتي بكل ود