السلام عليكم و رحمة الله و بركاته

محاولة متواضعة لمجاراة أخي عماد الهذلي

في كتابته ... ( تراتيل .... غربة )

http://www.hothle.com/vb/showthread.php?t=43787

.

.

.




يااااهـ يا عماد

حرفك استنزف شعور انسان عابر
............... من مسافات الضياع ... الى الضياع
شارح ٍ همه على فيض المحابر
.................... كل ما حن الورق سال اليراع
ايه شفت الدمع في عينك يكابر
.................... سكة الغربة و ساعات الوداع


كنت تبكيي ... داخلك طفل ينوح

وين اروح

و كنت أسمع في حناياك النزاع


يا عماد ...

و الطريق اللي خذاني للأماني

لين سلمني الشتات ...

و احتفا بي !!

و الله اني ما عرفت الا نهايات الدروب

وما ورى عوج الهقاوي

بس لين اليوم جاهل .. كيف تكفير الذنوب


و الظلام اجتاح صدري و استباح النور فيه

و لا كشف لي غير ما خلف الوجيه

في مدى زيف الملامح

و موت يا قلبي و سامح

.
.

.آآهـ يا جور المكان اللي خذاني

و كل ما برجع تصيح الذكريات

و المكان بدون قلب و لا شعور

لو درى عني بكاني

ليمتى و انا بردد ( يا خليلي قفا بي )

و انا وحدي من درابي .........
.


يا عذاب قلوبنا و البين حاصل

و النوى أجر المواصل




يا عماد



ليه يوم انك مسافر

كان الأولى تاخذ احزاني معك

ما عاد في قلبي سعة

و انا الغريب .....

اللي يبي من يسمعه

...... و الليل كافر

.
.
.





.


.


.


.