رد: المحاوره المباشره للشاعرين/ عبدالرحمن مساعد/ ابو مــلاذ
[align=center][table1="width:100%;background-color:black;border:4px double silver;"][cell="filter:;"]
بو ملآذ
ياسلامي سلام الطرقي المجبور // مرّ في ديرة ً ماله مبـيـت ابها
بن مساعد علاجه تعب الدكتور // ما يـبا يقبل الجرعه ويشربها
؛
عبد آلرحمن بن مسآعد
مرحبا عد مايبدي شعاع النور // وانت جيّتك لاتامن عواقبها
بن مساعد ترى مايكشف المستور // كان عندك علوم وافيه جبها
؛
بو ملآذ
البقا ماخبرت الوادي الممطور // ينبت الشوك وانا اعرف مجانبها
جيت اداوي جناح الطاير المكسور// يوم غيري عجز يقدر يطببها
؛
عبدآلرحمن بن مسآعد
لو تعذر ترى ماقول لكـ معذور // ديرة ن كل نبته في مناكبها
انت كنكـ تقول ان الحمام صقور // ماعطتكـ الليالي من تجاربها
؛
بو ملآذ
بعد جاها المطر غرد بها العصفور // واول العام مايلقى مكان ابها
انت شكلك تدربل قالب الناظور // فتح العين وارفع من حواجبها
؛
عبدآلرحمن بن مسآعد
من يراقب فخلق الله مـا هو مسرور // والمثل قال مات اللي يراقبها
الذيابه تعشت واتركت لكـ سور // وانت ودكـ ..تشرقها تغربها
؛
بو ملآذ
بدخل الحج بحرامي وابيع اتمور// تنقبل حجتي واضمن مكاسبها
سفرتك لا يجي فيها خلل واقصور // وانـتـه اللي بيدينك مقربها
؛
عبدآلرحمن بن مسآعد
كان جبت التمر ماقلت لكـ مشكور // مهنتكـ كل عاقل.. مايقربها
والله اني ما صاحبت العمي والعور // يوم غيري من العربان صاحبها
ܓܨ
[/cell][/table1][/align]
آخر تعديل الطرف الخجول يوم 11-01-2010 في 11:24 PM.
|