والله ماني بذاخر حاجة ٍ دونك ................................. ولعلمك عيوني ، وقلبي ، ووجداني
وايامي اللي معك راحت ! .. يحبونك ............................... ولا يتمنون ، غير إنْك تمناني
دايم معك فالدروب .. ولا يخلونك ............................ من شان ماتخلق اعذارك ، وتنساني
لا تاخذك مني الايام ، وظنونك ................................. بكرة تعرف الغلا ! كان الله احياني
حتى ليا جيت اخونك .. مع من اخونك ! .......................... تنشاف بوجيه أحبائي ، وخلاني
غمّازتك / ضحكتك / همساتك / جنونك ..................... سكّر سوالفك / رمشك / رمشك الثاني
اموت بك ، لا خجلت ولا اختلف لونك .......................... واضيع ، وتدور بقلبك .. وتلقاني
بياض قلبك .. يشابه ضحكة سنونك ......................... وعيونك السود .. مثل قلوب عدواني
ومشيتْك لا جيتني تمشي على هونك ، ............................. من غيّها !. ودي تمرّ وتعدّاني
والله لا اغنيك واكتب فيك ، واصونك .......................... واخلّدك في سما شعري .. وقيفاني
صح الله لساني .. وصح الله عيونك ............................ لأن لولا عيونك .. ما ابدْع لساني
محمد المسعري