::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة - .. الرد على الشاعر ( محمد الزيداني الهذلي ) ..

11-08-2010, 07:49 PM


	المشاركة الأصلية كتبت بواسطة فارس الصحـراء


	اخواني الكرام في مجالس هذيل هذه القصيده رد .. على قصيدة اخي شاعر المحاوره والنظم المبدع / محمد الزيداني الهذلي وقد تشرفت بمجاراته .. [poem=font=",6,darkblue,bold,normal" bkcolor="white" bkimage="" border="none,4," type=2 line=1 align=center use=ex num="0,black""] يوم المساء نوَخ على مشَة الزار = والفجر في عرض السماء شدَ حيله عدَا نظر عيني على راس موكار = واخذت والياني براااس البتيله والسرَ في تحريك الاقدام الانظار = والقلب ماعنه وعن اللي يخيله عدَا ومن عدَا.. يبا وقع الامطار = والاَ يعاين له من البعد زيله عنده وانا عندي .. هواجيس وافكار = ولآ يميل القلب لين استميله في فـيّـة يضفي هدبها اليا جار = حمَو النهار اللي سوات المليله تضفي سمارتها من يَمين ويَسار = مثل رموش اللي رموشه ضليله في مفرع ٍ كله نقوشات واثار = وللريح في عالي ركونه سحيله مشَهوَهق ٍ للحزن في وجهه اخبار= عقب اشَمرت عنه السنين الجميله تطَوى ردونه للضواري والاطيار = وثوب شيرة واديه ينفض شليله اخذت في هافي حشاء الضلع مقدار = مايمدي الضرمان يبَرد غليله من دلة ٍ ريحة نسمها ليا فار = يبا بعدها الثوب يبطي غسيله واسجَ في صفحة سماء الحرف واختار = من النجوم النادرات الجليله مايوَضي ارقاب الصحايف والاشعار = لـــراع البيوت الفاخره والجزيله محمد اللي لتماثيل صقار = لـــنـَدر قرانيس البيوت القليله والملعبه لنَــطب للخصم حشَار = واليا لقى التاااايه لعنَ سنسفيله نسل الشيوخ اهل المواقف والاشوار = واهل الكرم يوم السنين البخيله وان قاد مضهور السلف والملح ثار = دايم وصفَقتهم للاعداء ثقيله وعليك من ذكرى ال مناع تذكار = وانت العميل اللي ينومس عميله ابا اعتزيله حب واجلال واكبار = وغصبا ورى فرك الخشوم اعتزيله والا الضعيف .. ان حار وان سار وان طار = ميَت رجاء حله وحاله وحيله ومن يرخي اسموعه لحاقد وغدار = لاينبكي فقده ولاينبكيله والحصني المكار لو قيل مكار = ماغير من راسه اليا راس ذيله يرقص على ضله ليا ذل واحتار = واليا لقى الغايه يحطك وسيله واللي يبا ينـَقز على طقة الطار = خله يغنَي مع .. حبيب الدويله ان كان جاب القاف على ار .. قال .. ااار = واذا مشدَ القاف بيله .. قال .. ئيله واللي معه لدَه وصدَه ومظهار = عن اخوياااايه .. الله يوجَه سبيله واللي يبا يلعب على كل الادوار = كاشف حرااكااااته .. ومظهر حفيله خيره ورى الديره .. وشرَه على الدار = وعينه على .. اصحاب السموَ والفضيله لكن بعد خضيت الارياء والا عذار = وكل ٍعرفت اليوم زبدة صميله هاذي هي الجنه .. وهاذي هي النار = واللي مغمَض .. مامعي فيه حيله[/poem]

الشاعر الكبير وفارس الصحراء المتفرد في شعره صالح المطرفي
اشكرك على الرد الذي يحمل التفرد في كل كلمه وفي كل بيت تفرد لايجيده الا صالح المطرفي
والشرف لي في ان ترد على قصيدتي فأنا من تتلمذ وتعلم في مدرستك الشعريه وانت لسان هذيل
وقلبها النابض والداعم والمشجع للمواهب الهذليه .
تقبل وافر التحيه والتقدير