أنا وش حاجتي في القلب لا منـك تركتينـي
خذي قلبـي وخلينـي أعيـش مـن دونـه
إذا انتي كل ما غبتي عن عيونـي وحشتينـي
أجل وشلون لا طال الفراق وخيم سكونه؟!!
جرحتك ألف مرة واتضايق لـو جرحتينـي
وش اللي في يديني والمشاعر غصب مسجونة؟؟
وحياتي..صدقيني لو ما أحس إنك فهمتينـي
لا أقول إن الهوى كـذاب والأيـام مجنونـة
أنا لا يمكن أنسى يـوم جيتينـي وأخذتينـي
من أحزاني ودمعاتي وقلـب تكثـر طعونـه
وأنا لا يمكن أنسى يوم بإيدينـك حضنتينـي
وناديتك هـلا ياسلـوة المشتـاق وعيونـه
وأنا لا يمكن أنسى يوم بدموعـك بكيتينـي
وحسيت بمشاعر صادقـة بالقلـب مدفونـة
وأنا لا يمكن أنسى يـوم زليـت وعذرتينـي
وحسيت بشعور زلزل الوجـدان وركونـه
تعالي طالبك وشلون أبا أحيـا لـو تركتينـي
خذيني دام قلبي صعب أعيش العمـر دونـه