مما راق لي
القرايا ساكنتنا لو سكنا في المدينه
ياكثر مافي المدينه ناس تسكنها قرايا
مثل انا لامني شعرت اني بحاجه للسكينه
رحت يم القريه اللي قدرها بين الحنايا
قريتي واليوم جيتك شاعرن هزه حنينه
للوجيه وللبيوت ولسوالف والحكايا
قريتي انا فهد فهد فهد ماتعرفينه
اسألي عني بيوت الطين ونقوش الزوايا
ياسقا الله قبل اسافر عنك يالدار الثمينه
يوم انا طفل يشوف عيوب جدراك مزايا
يوم انا طفل يمر اليوم ماشاف الغبينه
الصحى وسط المدارس والشفق بين المطايا
ياسقا الله يوم كنت الريح والدنيا سفينه
قبل ما الدنيا تكون الريح والسفن البرايا
..... .....