::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

12-12-2010, 01:01 PM

خجوله وخايفــه

//

[poem=font="mateen,5,orangered,bold,normal" bkcolor="skyblue" bkimage="" border="double,3," type=2 line=0 align=center use=ex num="0,black""]
نهار اقبلت كانت خجولـه وخايفـه=تلد وتصـد وكـن ماهيـب شايفـه
من النظره الأولى وانا مولـعٍ بهـا=محبه من الأعماق ماهيـب زايفـه
وحاولت انسيها خجلهـا وخوفهـا=وجاذبتها اطراف الحديث وطرايفـه
وسمعتها شيٍ عن الشـوق والغـلا=وترجمت عن قلبي شقـاه وكلايفـه
وكانـت بدايـة حبنـا وإجتماعنـا=وعشنا مع اسرار الغرام ولطايفـه
بروضٍ عذيٍّ مامشى فيـه غيرنـا=ربيعه ونبته مقدر أحصي وصايفـه
قضينابه ايـامٍ مضـت ماحسبتهـا=ولكنهـا كانـت بلاشـك كايـفـه
ويوم الربيع امست تقافـا معالمـه=وجاته سمومٍ بأول الصيـف لايفـه
رجع خوفها اللي خابره في عيونها=مثل نظرة اللي موقنٍ مـن حتايفـه
وقامت تجمّع مابقـي مـن متاعهـا=وشالت على حرٍ يلاعـب سفايفـه
وتالي العهد يوم إستدارت وعرضت=بذاك العشي والشمس صفرا مهايفه
على البعد تومي لي بيدها مودعـه=وداع الذي مانـي براجـي نكايفـه
ولااخذت منها غير جرحي وعبرتي=وذكرى لها دايم على البال طايفـه
لها حن قلبي بين الأضلاع وإنحنى=حنين العسيف اللي مفارق ولايفـه
وضاقت بي الدنيا الوسيعه ولابقـا=سوى قمةٍ في راس مرقاب نايفـه
عسيره على اللي ماتعوّد طلوعهـا=بها تتعب اقدامـه وتيبـس شفايفـه
أهيّض بعاليهـا خفايـا مشاعـري=وافيّض بها دمـعٍ تسابـق ذرايفـه
حسايف على ما كان بينـي وبينهـا=لـو إن البنـادم ماتفيـده حسايفـه
وانا عارف إن العمر لابد تنقضـي=سنينه ويبقى ماكتب فـي صحايفـه
وياما عذلت النفس واكثرت لومهـا=ولكـن لاتقنـع ولاهيـب عايـفـه [/poem]

الشاعر عبد الله الطلحي الهذلي