يا مدور الهين ترى الكايد أحلى
و أسأل مغني كايدات الطروقي
الزين غالي لكن الأزين اغلى
و الكل شرايٍ بضاعه وسوقي
النو عالي و السما فوقه أعلى
ولا فاق علمٍ جاه علمٍ يفوقي
و الصعب هلا قلت يا صعب سهلا
دامك تبيني فأنت يا صعب شوقي
أحب عسف المهرة اللي تغلى
و أحب أروض كل طرفٍ يموقي
و أحب أسافر مع سحابٍ تعلى
و أحب فوق الغيم لمع البروقي
و أحب أساهر بدري اللي تجلى
و أرسم شعاع الشمس عند الشروقي
أخترتك من الناس للقلب خلا
يا حيثك مرادي وكيفي و ذوقي
ما رحت أدور كل زولٍ تحلى
لولاك تسوى ما عطيتك خفوقي