قالـت عـلا مـك يالغـلا مــا تبيـنـي
قلت السبب واضح ولا نّاب جهـال
لا تقـول مالـك فـي حياتـي وزينـي
ترى الكذب حبله قصيرٍ ولـو طـال
اهديت لك عمـري وقلبـي وعينـي
ارخصتهم ورخيت سمعك للانـذال
يامـا سقيتـك مـن هـواي وحنينـي
وجاوبك قلبي يوم لبيت في الحـال
يامـا سهـرت الليـل انـطـر تجيـنـي
والليـل عـدا مـا تبيـن لــك اهــلال
وياما شعاع الشمس حرّق جبيني
لا ضمنـي فيّـك ولا حولـك اظــلال
سيـف الغـدر ياصـاح حـده سنينـي
جرحـه خطيـرٍ لا جـرح حيـل قتّـال
واليـوم بانـت لـي خوافـي سنيـنـي
غـدرٍ ستـره الوقـت بيـن بالافعـال
دربـك شمـال ودرب خـلـك يميـنـي
مانلتقـي لا تـحـاول الـيـوم تحـتـال
بعـزف لـك اشعـارٍ لَحنْهـا حزينـي
ابياتـهـا تغنـيـك عــن كــل مـــوال
وليـا سـألـك القـلـب عـنـي يبيـنـي
قلـه حبيـبـك مــن فعايـلـك مهـتـال
دور بـدالـي مـنـت مـلــزوم فـيـنـي
دور وتلقى في البشر غيري ابدال