يا الله ليه كل هذا التعصب . . . تروا لا الزعيم و لا النصر دروا عنكم . . . .

على العموم انا مالي في الزعيم و لا لي في النصر لكن كلمة حق . . .

عند مشاهدة مباريات زمان اللي فيها صالح النعيمة و محيسن الجمعان و ماجد و الباقين من اخوياهم
تحس ان الكورة و المباريات غباء تطالع في الجمهور تحزن على حالهم . . .
يا أخوان شوفوا هدف ماجد في الصين و اقسم بالله يضحك . . . المدافعين يطيحون من و لا شي ، ، ، و لا حتى تهويبة او تمويه

و الرفعات عاد و الارتقاء . . . . يا شيخ ما فيه احد يضايق المهاجم . . . .

و الله اني اشره على شيابنا ليه مارحوا يلعبون و الله يبدعون و أقسم بالله

بالله طالعوا و دققوا في أمر . . . . محيسن الجمعان أفضل من ماجد بكثير . . . . لكن جماهير النصر أحس عندهم مشكلة أزلية
يجحدون الطيب . . . . الله يهديهم بس . . . .

اتذكر كانوا يسبون فهد الغشيان و انه ما عندك احد . . . . انتقل للنصر و طاروا به . . . . !
ما اسرع تغير الحال سبحان الله . . . . حبة برجون في علبة ببسي . . . !

نفس الحال العويران كيف كانوا يقولون يوم هو مع الهلال و كيف بعد انتقالة للاتحاد . . . و الامثلة كثيرة

.
.

نجي للهلالين الله يهديهم بس . . . .

اي شي ينرفزهم . . . . يعني بالله عليكم انتم تشجعون الهلال للعبة و الا لسمعة و اخلاق لاعبية
وش يعني اذا احد قال ياسر في الاستراحة . . . . ! و ياسر مدري ويش

طيب تروا ما انتقصناه في لعبة و لا احد يجرؤ . . . . موهبة اسطورية

بعدين أمر ثاني . . . اسمحوا لي احس ما عندكم ولاء حقيقي ، مثل أخوانكم في النصر

يعني النصر طلع منهم سنة من السنين هداف اسمه ماجد عبد الله . . . ما باقي الا يسوون له تمثال و هذا شي يحسب لهم و لوفائهم

لكن انتم . . . وينكم عن النعيمة ، يوسف الثنيان ، التيماوي ، التمياط ،

الأسطورة الحقيقية اللاعب العربي الأكثر استخداما لعقله ( سامي الجابر ) و القائمة تطول و انتم اعرف بلاعبين ناديكم

يعني تقولون الهلال منجم نجوم يكفينا الحاضر عن الماضي و الماضي قدره غالي و عالي أقول ولو ما يكفي يجب ان تكونوا اكثر وفاء
مثل النصراويين . . .

و بعدين أحس فيكم خفة شوية . . . . يعني لو يكلمكم مجنون تردون عليه

واحد يقول سامي كم سنتر و ياسر كم سنتر . . . !

هذا من وين جاي ، عمركم شفتم أحمق و أغبى من واحد يحمل راس الحربة مسؤلية الدفاع و الأهداف . . . ؟

تقولون لازم ناخذ بعقول الضعوف و المساكين و نفهمهم انهم جابوا نكته . . . . نقول لكم عادي

لكن ممكن ياخذ مقلب في نفسه . . . . و ينكت على ميسي مثلا . . . . اتقوا الله

.
.

الأمر الخير هو عبارة عن معلومة . . . . في الاتحاد السعودي ايام زمان كانت تحسب الركنيات اذا تعادلوا الفريقين و اللي لعب ركنيات اكثر
هو الفايز . . . .

لا تضحكون . . . . لكن و الله امر حقيقي . . . .

قال كورة زمان قال . . . .

على العموم بالله لا تزعلون من كلامي يا جماهير الزعيم و يا جماهير النصر

.
.

أحد جماهير النهضة .