::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

02-05-2011, 02:41 PM

( العلم نور )

العلم نور ومركز السيطرة ويـن
السيطـرة لـوزارة الداخليـة
وعاش الشباب اللي جمع بين ثنتين
هذي وهذي مع بعضهـا سويـه
في خدمة الدولة وفي خدمة الدين
شدوا وثاق الجهـد والمقدريـه
على ميادين الشرف مستعديـن
وبكفوفهـم شهـادةٍ جامعيـه
متصدرين لموقف العسر والليـن
وأشرف نسب يعطيهم الأولويـه
من صفوة أسود الوغى والميادين
من عسكر البـارود والبندقيـه
هذيل ولفعل الشجاعه براهيـن
يوم الوديعه والظروف العصيـه
ساقوا بيارقهم من يسار ويميـن
من صادق النخوه وصدق الحميه
وعلى العدو صبوا ثعول النياشين
وكلٍ يسابـق للمنايـا خويـه
مواقف رجالٍ ما يرضون بالشين
قدام قولة جيـش والعسكريـة
في ظل أبو تركي وفيصل والاثنين
رمز الشجاعه والصخا والرويـه
واليوم عدتوا للمواقف عناويـن
وإلكم على الطالات رسم وسميه
في ظل عبدالله عقيد السلاطيـن
راع العداله والكفـوف النديـه

هشام الهذلي