احدىمحاوراتي مع الشاعر الكبير شبيب الزراقي العام الماضي 1431هـ
مهل الرياحي :
سلام الله على اهل الحفل والجمهور والشعار
سلامٍ في البدايه نبتديبه واسر ياساري
ياابو صافي على الحد الجنوبي طاحت الامطار
لكن السيل ماسيل شعيبه واسر ياساري
شبيب الزراقي :
هلا يامرحبا ترحيبتٍ تاخذبها مشوار
وراع الطيب يلقى مثل طيبه واسر ياساري
ترانا اللي اليا شفنا الحطب نقدر نشب النار
وهذه حاجةً ماهي غريبه واسر ياساري
مهل الرياحي :
يدوملك البقا واكرب حزامك واكرم الخطار
احد يخط الهدف وحداً يصيبه واسر ياساري
علومك ياوسيع العرف حذرا لاتصير صغار
ترى الضلع المسما غار ذيبه واسر ياساري
شبيب الزراقي :
انا ماجيت اغني واطرب الجمهور والحضار
ابا حط الرصاصه فالضريبه واسر ياساري
الايالي صنعت الطائره يبغالها طيار
ترانا مانحب لك الغليبه واسر ياساري
مهل الرياحي :
انا اراقبك فالمسراح بالناظور والاقمار
تود العلم وتعود تجيبه واسر ياساري
أقود الطائره لامن لقيت الكبتٍ البيطار
وهذا الوقت ماتعلم بغيبه واسر ياساري
شبيب الزراقي :
انا اللي كاشفٍ موقعك وموجهلك الرادار
وانا اللي عملتي عمله صعيبه واسر ياساري
على شانك رياحي مانباك تميل في الاخطار
اليا ماطعت ابا ارسلك كتيبه واسر ياساري
مهل الرياحي :
عليك اهل الوفاء والمعرفه بتوجه الانظار
وتاقع من مصيبه في مصيبه واسر ياساري
انا في ماقفي ثابت وعرف الثعلب المكار
وحذفه من على راس الجذيبه واسر ياساري