خلك على بعدك عســى الله يهنيــك
خلك مع إللي فــي حيـــاتك هــويتـــه ،،،
لا لا تظن قلبـي مع الوقت يدعيــك
ولا لا تظن الهــــم بعــدك شكيتـــه ،،،
والله مــا هـــز الفكـــر يوم طاريك
ولا هـــــز قلبي هجــرك اللي بغيتــه ،،،
إرحـــل عسى غيري يحبك ويغليك
ويمــوت في حبك ودرب(ن) مشيته ،،،
(لكن) تـــأكد والليـــالي تصحيــك
وتذكر حبيب(ن) لجل غيره نسيتــه ،،،
وترجع وعينك دمعها بيـن أيـــاديك
وتندم على وقت(ن) لغيري قضيتـه ،،،
وتشــوف قلبي عند غيرك وناسيــك
ناسيك يــا اللي عفت دربه وجيتـــه ،،،
إذكـــر كلامي وإجهله فــي مباديك
هــاذي البدايه وإجهل اللي قـــريتـه ،،،
وإتشوف ما قلته وقلب(ن) شقى فيك
فــرقاك يا خل(ن) وفيت وشقيتـه ،،،
وآخــر كلامي : جعل ربـــي يهنيك
إبعد وأنا ببعد وهجــــرك قـويتــه ،،،