رد: بعد اذن الإدارة .. استلم يابروق الحيا
أبو ملاذ
ياسلامي سلامن مايخص العموم // صوب راس البقيلي مسرعاتن خطاه
يالبقيلي ليه شرهه وعندي علوم // من نقض جدرنا المبني وخرب بناه؟؟
بروق الحيا
مرحبا يامسّلم جعل سترك يدوم *** وان نصيت البقيلي لا تجي من وراه
وصلكم يالمغني في الضمير محشوم *** مير جر اللحون وكل شعب نطاه
ابو ملاذ
البقا لاتثورها وهيه زموم // ثم تضحك على رميتك كل الرماه
جاتنا من طرفكم عايرات السهوم //والسبب في البعير اللي يلاوك جماه
بروق الحيا
ماحديتك علي الزله وقلبي رحوم *** مير كنه في قلبك شر ماهي صحاه
انت في وسط مكه والحيا في الجموم ***وراعي الهوش يعرف كيف يرعي الفلاه
أبو ملاذ
ابني الحصن ياخالد في عشرين يوم//وانت تاخذ لجدر ابنايتك من حصاه
رافعين الخشوم امزبرقين الهدوم // والعلوم الخفيه وسط كم العباه
بروق الحيا
بعد اذن الاداره نبنصلي ونصوم ***وبعد طيب العميل اللي يحك الصفاه
ياعميلي الموده بعد فرك الخشوم***شوف كيف البشر ماعاد تبغي الحياه
ابو ملاذ
خلها في عدلها وانتبه للنجوم // لاتساقط على راسك وحافظ علاه
العرب ودها بالمسك من قرن ثوم // من ذِرى الحنظله تبغى سليل السحاه
بروق الحيا
انت عينك تناظر مير قلبك كتوم *** زنقتك مثل زنقة صاحبك واعناه
كل شئ يصير اليا عرفت السلوم *** والحقيقه هجوسي تعرف اللي تباه
أبو ملاذ
صاحبي مادرق طيارته في الغيوم // يوم صاحبك يرميها فكل اتجاه
كلما ادرقت راسك عن هبوب السموم // ماسلم نص من وجهك ولا من قفاه
| التوقيع |
سرها يـا معـمـر سرها // وجـهـك أصبح كما كشة قفاك
أرض يقرص فذآنك ذرها // مانت ماكل بها لقمة عشاك
|
|